جەلتوقساندا جەكپە-جەككە شىعاتىن قازاق بوكسشىلارى
شارشى الاڭداعى شايقاستارى مەن جەتكەن جەتىستىكتەرى كوڭىل قۋانتارلىقتاي. مۇحيت اسىپ، قۇرلىق باسىپ، جەتىستىككە جەتىپ، كۇرزى جۇدىرىعىنىڭ كۇشىمەن كۇللى الەمگە تانىلىپ ۇلگەرگەندەرى دە بارشىلىق. جەلتوقسان ايىندا سولاردىڭ ءبىرسىپىراسى كەزەكتى جەكپە-جەكتەرىن وتكىزەدى.
جانقوش تۇراروۆ
ءبىرىنشى جارتىلاي ورتا سالماقتا باق سىنايتىن جانقوش تۇراروۆ (25-0، 18 ك و) الماتىدا چەمپيوندىق بەلبەۋ ءۇشىن جەكپە-جەك وتكىزەدى. ءوزى ينستا جەلىسىندە حابارلاعانداي، 11- جەلتوقسان كۇنى يسپاندىق ەنريكە لۋيسپەن شايقاسادى. IBO Intercontinental بەلبەۋىنە تالاسادى.
بوكس كەشى الەم DAZN پلاتفورماسى ارقىلى الەمنىڭ كوپتەگەن ەلىندە تىكەلەي ەفيردە كورسەتىلەدى دەپ جوسپارلانۋدا. سونداي-اق وسى بوكس كەشىندە انگەلينا لۋكاس، ەرەجەسىز جەكپە-جەك شەبەرى ارمان ءاشىموۆ جانە كاسىپقوي سپورتقا بەت بۇرعان اكتەر ەركەبۇلان توقتار العاشقى شايقاسىنا شىعادى.
باتىر جۇكەمبايەۆ
باتىردىڭ شارشى الاڭعا شىقپاعانىنا ءبىر جىل بولىپ قالدى. بىلتىر جەلتوقسان ايىندا كانادانىڭ مونرەال قالاسىندا مەكسيكالىق حۋان حوسە مارتينەستى نوكاۋتپەن جەڭگەن. بيىل دا جەلتوقساندا ءبىر جەكپە-جەك وتكىزۋدى جوسپارلاۋدا. جوسپارلاعان كەزدەسۋى 24- جەلتوقسان كۇنى الماتىدا وتەدى. WBC Asia چەمپيوندىق بەلبەۋىنە تالاسادى. ءبىراق ازىرگە قارسىلاسى كىم بولاتىنى بەلگىسىز.
سادريددين احمەدوۆ
24- جەلتوقسان كۇنى الماتىداعى «SADU Arena» كەشەنىندە سادريددين احمەدوۆ تە جۇدىرىقتاسادى.
مەنىڭ جەكپە-جەكتەرىمدى اركەز ساعىناتىن قازاق ەلىنە راقمەت! Sadriddin «S. O. Q» Ahmedov سىزدەرگە شوۋ سىيلاۋعا ساقاداي ساي! بوكس كەشىندە جۇزدەسكەنشە!، - دەپ حابارلادى ينستا پاراقشاسىندا.
يۆان دىچكو
سۋپەر اۋىر سالماقتا جۇدىرىقتاساتىن وتانداسىمىز يۆان دىچكو (12-0، 11 ك و) 10- جەلتوقسان كۇنى ا ق ش- تا جەكپە-جەك وتكىزەدى دەپ كۇتىلۋدە. بۇل جايىندا وليمپيادا جۇلدەگەرىنىڭ مەنەدجەرى زيا اليەۆ باسىلىمدارعا حابارلاعان. امەريكالىق بوكسشى تەرەنس كروۋفورد پەن رەسەيلىك داۆيد اۆانەسيان اراسىندا وتەتىن بوكس كەشىنىڭ اندەركارتىندا جۇدىرىقتاساتىنى ايتىلعان. الايدا جەكپە-جەگى مەن قارسىلاسى جايلى رەسمي اقپارات جاريالانعان جوق.
ەلحان تابىنبايەۆ
جەلتوقساندا جۇدىرىقتاساتىن تاعى ءبىر بوكسشىمىز - ەلحان تابىنبايەۆ (5-2، 3 كو). 11- جەلتوقسان كۇنى الماتىدا جارتىلاي اۋىر سالماقتا WBC International Silver بەلبەۋى ءۇشىن شارشى الاڭعا شىعادى. قارسىلاسى - ماتەۋس دا سيلۆا (7-0، 3 ك و). برازيليالىق بوكسشى بۇعان دەيىن شەت ەلدە جۇدىرىقتاسىپ كورمەگەن.
ەلحان بيىل ءۇشىنشى جەكپە-جەگىنە شىعادى. مۇنىڭ الدىندا 15- ماۋسىم كۇنى بەلارۋس بوكسشىسى سەرگەي كراپشىلدى تەحنيكالىق نوكاۋتپەن جەڭگەن.
جەلتوقسان ايىندا شارشى الاڭعا شىعاتىن جانە كاسىپقوي بوكستا باق سىناپ جۇرگەن سپورتشىلارىمىزعا ساتتىلىك پەن جەڭىس تىلەيمىز!
قوسىمشا: وزگە تاعى رەسمي جەكپە-جەكتەر وتەتىن بولسا حابارلايتىن بولامىز.
massaget.kz