17:51, 01 - جەلتوقسان 2022 | GMT +6
مەملەكەت باسشىسى بيۋدجەتتىك ترانسفەرتتەردىڭ كولەمى تۋرالى جارلىققا قول قويدى
استانا. قازاقپارات - مەملەكەت باسشىسى «رەسپۋبليكالىق جانە وبلىستىق بيۋدجەتتەر، رەسپۋبليكالىق ماڭىزى بار قالالار، استانا بيۋدجەتتەرى اراسىنداعى 2023 - 2025 -جىلدارعا ارنالعان جالپى سيپاتتاعى ترانسفەرتتەردىڭ كولەمى تۋرالى» قازاقستان رەسپۋبليكاسىنىڭ زاڭىنا قول قويدى، دەپ حابارلايدى اقوردا.
سونىمەن قاتار مەملەكەت باسشىسى «قازاقستان رەسپۋبليكاسى مەن حالىقارالىق قايتا قۇرۋ جانە دامۋ بانكى اراسىنداعى قارىز تۋرالى كەلىسىمدى (جەكەشە سەكتورعا جانە ەكونوميكانى نەعۇرلىم ورنىقتى قالپىنا كەلتىرۋگە نەگىزدەلگەن دامۋ ساياساتىن قارجىلاندىرۋعا ارنالعان قارىز) راتيفيكاتسيالاۋ تۋرالى» قازاقستان رەسپۋبليكاسىنىڭ زاڭىنا قول قويدى.
زاڭنىڭ ءماتىنى باسپا سوزدە جاريالانادى.