نۇرلىبەك نالىبايەۆ قىزىلوردا وبلىسىنىڭ اكىمى بولدى

استانا. قازاقپارات - مەملەكەت باسشىسىنىڭ جارلىعىمەن نۇرلىبەك ماشبەك ۇلى نالىبايەۆ قىزىلوردا وبلىسىنىڭ اكىمى لاۋازىمىنا تاعايىندالدى، دەپ حابارلايدى اقوردا.

نۇرلىبەك نالىبايەۆ 1976 -جىلى تۋعان.

قازاق مەملەكەتتىك اگرارلىق ۋنيۆەرسيتەتىن، قازاق گۋمانيتارلىق زاڭ ۋنيۆەرسيتەتىن بىتىرگەن. ماماندىعى بويىنشا ەكونوميست- مەنەدجەر، زاڭگەر.

ەڭبەك جولىن 1997 -جىلى كوممەرتسيالىق قۇرىلىمداردا باستاپ، سول جەردە 2005 -جىلعا دەيىن، ءارتۇرلى باسشىلىق قىزمەتتەر اتقارعان.

2005-2007 -جىلدارى قىزىلوردا قالاسى اكىمىنىڭ ورىنباسارى، ءبىرىنشى ورىنباسارى بولعان. 2007-2008 -جىلدارى قىزىلوردا وبلىسى اكىمىنىڭ اپپاراتىن باسقارعان.

2008-2013 -جىلدارى قىزىلوردا وبلىسى شيەلى اۋدانىنىڭ اكىمى بولىپ قىزمەت اتقارعان. 2013-2021 -جىلدارى قىزىلوردا قالاسىنىڭ اكىمى بولعان.

2021 -جىلعى ساۋىردەن باستاپ قازاقستان رەسپۋبليكاسى پرەمەر- ءمينيسترى كەڭسەسىنىڭ وڭىرلىك دامۋ ءبولىمىنىڭ مەڭگەرۋشىسى.

مەملەكەت باسشىسىنىڭ 2022 -جىلعى 1-جەلتوقسانداعى جارلىعىمەن قىزىلوردا وبلىسىنىڭ اكىمى لاۋازىمىنا قايتا تاعايىندالدى.