ا ق ش- تا تاماق تاسۋشى روبوت قىزمەتى كەڭىنەن تارالىپ كەلەدى

استانا. قازاقپارات – ا ق ش- تىڭ جوعارعى وقۋ ورىندارىندا تاماق تاسۋشى روبوت قىزمەتى كەڭىنەن تارالىپ كەلەدى.

چيكاگوداعى يللينويس ۋنيۆەرسيتەتىنىڭ كامپۋسىندا وسىنداي قۇلتەمىردى ءجيى كورۋگە بولادى. التى دوڭگەلەكتى شاعىن اپپارات تولىق اۆتوماتتاندىرىلعان. وعان تاپسىرىستى تەلەفونداعى ارنايى قوسىمشا ارقىلى بەرۋگە بولادى. قۇلتەمىر مەيرامحانا قىزمەتكەرى تاعامدى سالعان سوڭ تاپسىرۋشىنىڭ تۋرا ەسىگىنىڭ الدىنا دەيىن جەتكىزەدى. قازىر ا ق ش- تىڭ 30-عا جۋىق كوللەدجىندە وسىنداي قىزمەت كورسەتىلەدى.

چيپ كومەري، Starship Technologies كومپانياسىنىڭ باسشىسى:

- ءبىزدىڭ قۇلتەمىردىڭ قىزمەتىنە جۇگىنەتىندەر كوبەيىپ كەلەدى. قازىر كۇن سايىن شامامەن 10 تاپسىرىس جاسالادى. بۇل كامپۋستاعى اۋانىڭ تازا بولۋىنا دا كوپ كومەگىن تيگىزەدى.

www.24.kz