ماۋلەن اشىمبايەۆ ۆاتيكاننىڭ اپوستولدىق نۋنتسيىمەن كەزدەستى

None
استانا. قازاقپارات – ق ر پارلامەنتى سەناتىنىڭ ءتوراعاسى ماۋلەن اشىمبايەۆ قازاقستانداعى قىزمەتى اياقتالىپ جاتقان ۆاتيكاننىڭ اپوستولدىق ءنۋنتسيى ارحيەپيسكوپ فرەنسيس اسسيزي چۋلليكاتپەن كەزدەستى، دەپ حابارلايدى قازاقپارات.

«كەزدەسۋ بارىسىندا تاراپتار بيىلعى قىركۇيەكتە استانادا وتكەن الەمدىك جانە ءداستۇرلى دىندەر كوشباسشىلارىنىڭ VII سەزىنىڭ قورىتىندىلارىن، سونداي- اق ريم پاپاسى فرانسيسكتىڭ قازاقستانعا اپوستولدىق ساپارىنىڭ ناتيجەلەرىن تالقىلادى. ماۋلەن اشىمبايەۆ پونتيفيكتىڭ سەزگە قاتىسۋىنىڭ ماڭىزى جوعارى ەكەنىن ايتتى. سونىمەن قاتار ول قازاقستان الداعى ۋاقىتتا دا جاھاندىق ءدىنارالىق جانە وركەنيەتارالىق ديالوگتى ىلگەرىلەتۋ جولىندا بەلسەندىلىك تانىتۋعا نيەتتى ەكەنىن اتاپ ءوتتى»، - دەلىنگەن سەناتتىڭ باسپا ءسوز قىزمەتىنە ۇسىنعان حابارلامادا.

ودان بولەك، سۇحباتتاسۋشىلار قازاقستان مەن ۆاتيكان اراسىنداعى ىنتىماقتاستىقتى ودان ءارى دامىتۋ پەرسپەكتيۆالارىن تالقىلادى. سونداي- اق ولار ەكىجاقتى جانە كوپجاقتى باعىتتا بىرلەسىپ جۇمىس ىستەۋگە دايىن ەكەندەرىن جەتكىزدى.

سوڭعى جاڭالىقتار