ۋيليام حانزادا مەن كەيت ميددلتون سوڭعى سەگىز جىلدا العاش رەت ا ق ش- قا باردى
ۋيليام كليمات وزگەرىسىنە ارنالعان سىيلىعىن 2020-جىلى ادامزات الدىندا تۇرعان كەيبىر وزەكتى ەكولوگيا ماسەلەلەرىن شەشۋ ماقساتىندا الەمدەگى ەڭ مىقتى اقىل-ويدى بىرىكتىرۋ ۇمىتىمەن بەكىتتى.
جىل سايىن كەلەسى ونجىلدىقتا بەس جەڭىمپاز كليماتتىق داعدارىستىڭ شىعارماشىلىق شەشىمىن قارجىلاندىرۋ ءۇشىن 1 ميلليون فۋنت ستەرلينگ (شامامەن 1,12 ميلليون دوللار) الادى.
وسى جوبانى ويلاستىرعان كەزدە ۇلى بريتانيا تاق مۇراگەرى پرەزيدەنت دجون كەننەديدىڭ 1962-جىلى ا ق ش- قا عارىشتى يگەرۋدى تاپسىرعان كەزدەگى «Moonshot» («ايعا اتۋ») دەگەن سوزىنەن شابىت العان.
كورول وتباسىنىڭ 40 جاستاعى وكىلى ءمالىم ەتكەندەي، بيىلعى راسىمگە بوستون ادەيى تاڭداپ الىنعان، ويتكەنى قالانىڭ ۋنيۆەرسيتەتتەرى، عىلىمي ورتالىقتارى جانە جارقىن ستارتاپتارى ونى عىلىم، يننوۆاتسيا جانە شەكسىز امبيتسيا سالاسىنداعى الەمدىك كوشباسشىعا اينالدىرادى.
اق ءۇيدىڭ حابارلاۋىنشا، ۋيليام مەن كەيت جۇما كۇنى بوستوندا ا ق ش پرەزيدەنتى دجو بايدەنمەن كەزدەسەدى دەپ جوسپارلانعان.
بۇل - كورول وتباسىنىڭ سەگىز جىل بۇرىن نيۋ-يورككە كەلگەننەن كەيىنگى ا ق ش- قا العاشقى ساپارى.