سيفرلىق دامۋ ءمينيسترى بايلانىس وپەراتورلارىنا سالىنعان ايىپپۇل تۋرالى ايتتى

None
استانا. قازاقپارات - سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ساپاسىز ينتەرنەت بويىنشا بايلانىس وپەراتورلارىنا سالىنعان ايىپپۇل ەسەلەپ وسكەنىن ايتتى، دەپ حابارلايدى قازاقپارات ءتىلشىسى.

«جىل باسىنان بەرى، ياعني جاڭا ايىپپۇلدار ەنگىزىلمەي تۇرعاندا، قىركۇيەككە دەيىن 700 گە جۋىق تەكسەرۋ بولدى. وسى ورايدا 180 ميلليون تەڭگە ايىپپۇل سالىندى. قىركۇيەك ايىنان باستاپ ايىپپۇل سوماسى ەداۋىر ءوستى. بۇرىن ەكىنشى قايتالاپ تالاپتاردى بۇزعانى ءۇشىن ايىپپۇل 150 ا ە ك بولسا، قازىر 1500 ا ە ك- كە جەتتى. قىركۇيەك ايىنان بەرى قازىرگە دەيىن 300 گە جۋىق تەكسەرۋ جۇرگىزىلىپ، 300 ميلليون تەڭگە شاماسىندا ايىپپۇل سالىندى»، - دەدى ب. مۋسين سەناتتىڭ جالپى وتىرىسىنان كەيىنگى باسپا ءسوز ءماسليحاتىندا.

ونىڭ ايتۋىنشا، بۇل باعىتتا قاداعالاۋ كۇشەيتىلمەك، سونداي-اق زاڭنامالىق باستامالار ۇسىنىلاتىن بولادى.

بۇدان بۇرىن حابارلانعانداي، قازاقستانداعى ۇيالى بايلانىس نارىعىنا جاڭا وپەراتور قوسىلۋى مۇمكىن.

سوڭعى جاڭالىقتار