ەرالى توعجانوۆ اقتوبە وبلىسىنىڭ اكىمى قىزمەتىندە قالدى

اقتوبە. قازاقپارات - مەملەكەت باسشىسىنىڭ جارلىعىمەن ەرالى لۇقپان ۇلى توعجانوۆ اقتوبە وبلىسىنىڭ اكىمى لاۋازىمىنا تاعايىندالدى.

ءتيىستى قۇجات اقوردانىڭ سايتىندا جاريالاندى، دەپ حابارلايدى قازاقپارات.

ەرالى لۇقپان ۇلى 1963-جىلعى 13- مامىردا باتىس قازاقستان وبلىسىندا دۇنيەگە كەلگەن.

1988-جىلى قاراعاندى مەملەكەتتىك ۋنيۆەرسيتەتىن، 1994-جىلى قازاقستان رەسپۋبليكاسىنىڭ عىلىم اكادەمياسىنىڭ مەملەكەت جانە قۇقىق ينستيتۋتىن ءتامامداعان.

ماماندىعى بويىنشا بىلىكتىلىگى — زاڭگەر.

ەڭبەك جولىن 1980-جىلى ورال وبلىسى وكتيابر ورمان شارۋاشىلىعىنىڭ جۇمىسشىسى رەتىندە باستاعان.

1988-2001-جىلدارى — قاراعاندى مەملەكەتتىك ۋنيۆەرسيتەتىندە وقىتۋشى، ق ر عىلىم اكادەمياسىنىڭ مەملەكەت جانە قۇقىق ينستيتۋتىنىڭ ديرەكتورى، فاكۋلتەت دەكانى، قازاق مەملەكەتتىك زاڭ ۋنيۆەرسيتەتىنىڭ فيليالىنىڭ ديرەكتورى.

2001-2006-جىلدارى — قاراعاندى وبلىسى اكىمىنىڭ ورىنباسارى.

2006-2008-جىلدارى — قازاقستان رەسپۋبليكاسى ادىلەت مينيسترلىگىنىڭ ءدىن ىستەرى جونىندەگى كوميتەت ءتوراعاسى.

2008-2017-جىلدارى — قازاقستان حالقى اسسامبلەياسى ءتوراعاسىنىڭ ورىنباسارى، ق ر پرەزيدەنتى اكىمشىلىگىنىڭ قازاقستان حالقى اسسامبلەياسىنىڭ حاتشىلىعىنىڭ مەڭگەرۋشىسى، ق ر پرەزيدەنتى اكىمشىلىگىنىڭ ىشكى ساياسات ءبولىمىنىڭ سەكتور مەڭگەرۋشىسى.

2017-2019-جىلدارى — ماڭعىستاۋ وبلىسىنىڭ اكىمى.

2019-2020-جىلدارى — ق ر كاسىپوداقتار فەدەراتسياسىنىڭ ءتوراعاسى.

2020-جىلى 11- اقپاندا مەملەكەت باسشىسى ق. توقايەۆتىڭ جارلىعىمەن ق ر پرەمەر-ءمينيسترىنىڭ ورىنباسارى بولىپ تاعايىندالدى.

2021-جىلى 18- قاڭتاردا ق ر پرەزيدەنتىنىڭ جارلىعىمەن وسى قىزمەتىنە قايتا تاعايىندالدى.

2022-جىلعى 11- قاڭتاردا ق ر پرەزيدەنتىنىڭ جارلىعىمەن قازاقستان رەسپۋبليكاسى پرەمەر-ءمينيسترىنىڭ ورىنباسارى بولىپ قايتا تاعايىندالدى.

2022-جىلعى 31- تامىزدا ق ر پرەزيدەنتىنىڭ جارلىعىمەن اقتوبە وبلىسىنىڭ اكىمى بولىپ تاعايىندالدى.