قۇمار اقساقالوۆ قوستاناي وبلىسىنا اكىم بولدى

قوستاناي. قازاقپارات - مەملەكەت باسشىسىنىڭ جارلىعىمەن قۇمار ىرگەباي ۇلى اقساقالوۆ قوستاناي وبلىسىنىڭ اكىمى لاۋازىمىنا تاعايىندالدى. ءتيىستى قۇجاتقا بۇگىن مەملەكەت باسشىسى قول قويدى، دەپ حابارلايدى قازاقپارات.

بۇگىن ق ر پرەمەر-ءمينيسترى ءاليحان سمايىلوۆ جۇمىس ساپارىمەن قوستاناي قالاسىنا بارىپ، قوستاناي وبلىسىنىڭ بارلىق دەڭگەيدەگى ءماسليحات دەپۋتاتتارىنىڭ جينالىسىنا قاتىستى.

ءاليحان سمايىلوۆ دەپۋتاتتارعا ق ر پرەزيدەنتىنىڭ وبلىس اكىمى لاۋازىمىنا قۇمار اقساقالوۆ پەن اسلان جانىسپايەۆتىڭ كانديداتۋرالارىن قاراۋعا ەنگىزۋ تۋرالى حاتىن وقىپ بەردى.

اشىق داۋىس بەرۋ ناتيجەسى بويىنشا 244 دەپۋتاتتىڭ 192 ءسى ق. اقساقالوۆتىڭ كانديداتۋراسىنا، 52 دەپۋتات ا. جانىسپايەۆقا داۋىس بەردى.

قۇمار ىرگەبايۇلى 1965-جىلى تۋعان.

1987-جىلى ۆ. پ. گورياچكين اتىنداعى ماسكەۋ اۋىل شارۋاشىلىعى ءوندىرىسىنىڭ ينجەنەرلەرى ينستيتۋتىن ينجەنەر-مەحانيك ماماندىعى بويىنشا تامامداعان.

ەكونوميكا عىلىمدارىنىڭ كانديداتى.

1987-1989 ج. ج. — قوستاناي وبلىسى ۋريتسكيي اۋدانى «كرىلوۆسكي» كەڭشارىنىڭ باس ينجەنەرى بولدى.

1989-1991 ج. ج. — قازاقستاننىڭ ل ك ج و- نىڭ قوستاناي وبلىسى ۋريتسكي اۋداندىق كوميتەتىنىڭ بىرىنشى حاتشىسى.

1991-1992 ج. ج. — قوستاناي وبلىسى ۋريتسكي اۋدانى «ماياك» كەڭشارىنىڭ باس ينجەنەرى.

1992-1993 ج. ج. — قوستاناي وبلىسى قوستاناي اۋدانى «نوۆوسەلوۆكا» مەملەكەتتىك شاعىن كاسىپورنىنىڭ ديرەكتورى.

1993-1996 ج. ج. — قوستاناي وبلىسى قوستاناي اۋدانى «قوستاناي» عىلىمي-وندىرىستىك بىرلەستىگى ديرەكتورىنىڭ ورىنباسارى.

1996-1998 ج. ج. — قوستاناي وبلىسى مەڭدىقارا اۋدانىنىڭ «سيەۆەر» ۇجىمشارىنىڭ ءتوراعاسى، «سيەۆەر» ا ا ق پرەزيدەنتى.

1998-2002 ج. ج. — قوستاناي وبلىسى مەڭدىقارا اۋدانىنىڭ اكىمى.

2002-2004 ج. ج. — قوستاناي وبلىسى تاران اۋدانىنىڭ اكىمى.

2004-2006 ج. ج. — قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى.

2006-2010 ج. ج. — جامبىل وبلىسى اكىمىنىڭ ورىنباسارى.

2010-2015 ج. ج. — «نۇر وتان» حالىقتىق دەموكراتيالىق پارتياسى ورتالىق اپپاراتىنىڭ باسشىسى، «نۇر وتان» پارتياسىنىڭ حاتشىسى.

2015-2017 ج. ج. — قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى.

2017 -جىلعى 14- ناۋرىزدان باستاپ سولتۇستىك قازاقستان وبلىسىنىڭ اكىمى بولدى.