باعدات مۋسين موبيلدى ينتەرنەت ساپاسىنىڭ ناشار بولۋ سەبەبىن ءتۇسىندىردى
«بۇگىندە قالالارداعى ءموبيلدى ينتەرنەت ءۇشىن نەگىزگى كەدەرگى راديو قىزمەتتەر ەكەندىگىن ۇنەمى ايتىپ ءجۇرمىن. راديو قىزمەت ماسەلەلەرىن رەتتەۋ ءۇشىن قازىرگى ۋاقىتتا ماجىلىستە زاڭنامالىق باستاما تالقىلانىپ جاتىر. ءبىر ادامنىڭ شاعىمى ءۇشىن قالعان 99 تۇرعىن زارداپ شەكپەۋى ءتيىس. ياعني، ول ءۇيىنىڭ توبەسىندە بازالىق ستانسانىڭ تۇرعانىن قالاماسا، قالعان 99 تۇرعىن قالايتىن بولسا، وندا ءبىز بازالىق ستانسانى الىپ تاستاۋعا ءماجبۇر بولماۋىمىز قاجەت. بۇگىندە مىڭداعان بازالىق ستانسانى باسقا جاققا اۋىستىرۋعا ءماجبۇرمىز»، - دەدى ول سەناتتىڭ جالپى وتىرىسىنان كەيىن ب ا ق وكىلدەرىنە بەرگەن سۇحباتىندا.
ونىڭ اتاپ وتۋىنشە، بازالىق ستانسا قۇرىلعى سانالادى.
«ەگەر بۇل قۇرىلعى ءبىر ورىندا تۇراقتى تۇرسا، وندا بايلانىس ساپاسى ناشارلامايدى. قولدانىستاعى زاڭناماعا سايكەس، ستانسانىڭ تۇرعانى بىرەۋگە ۇناماسا، وندا وپەراتور جابدىقتى شەشىپ الىپ، ورناتاتىن جاڭا ورىن ىزدەۋگە ءماجبۇر. ورناتاتىن جەردەن بولەك، بازالىق ستانسا اۋىستىرۋعا دا قاراجات كەتەدى. ول تەك تەمىر قۇرىلعى ەمەس. وعان قاجەتتى جەلى دە تارتۋ قاجەت. ياعني، بازالىق ستانسا جۇمىس ىستەۋى ءۇشىن وعان وپتيكالىق كابەل كەرەك»، - دەدى باعدات مۋسين.