سولتۇستىك قازاقستان وبلىسىنا جاڭا اكىم تاعايىندالدى

پەتروپاۆل. قازاقپارات - ايداربەك سەيپىل ۇلى ساپاروۆ سولتۇستىك قازاقستان وبلىسىنىڭ اكىمى لاۋازىمىنا تاعايىندالدى، دەپ حابارلايدى قازاقپارات.

ءتيىستى جارلىق اقوردانىڭ سايتىندا جاريالاندى.

ايتا كەتەيىك، بۇگىن ق ر پرەمەر- ءمينيسترى ءاليحان سمايىلوۆ پەتروپاۆل قالاسىنا كەلىپ، سولتۇستىك قازاقستان وبلىسىنىڭ بارلىق دەڭگەيدەگى ءماسليحاتتار دەپۋتاتتارىنىڭ جينالىسىنا قاتىستى.

ءاليحان سمايىلوۆ مەملەكەت باسشىسىنىڭ ءوڭىر اكىمى لاۋازىمىنا رۋسلان انبايەۆ جانە ايداربەك ساپاروۆتىڭ كانديداتۋرالارىن قاراۋعا ەنگىزۋ تۋرالى حاتىن وقىپ بەردى.

داۋىس بەرۋ ناتيجەسى بويىنشا 153 دەپۋتاتتىڭ 118- ءى ا. ساپاروۆتىڭ كانديداتۋراسىنا داۋىس بەردى، 35 دەپۋتات ر. انبايەۆتى تاڭدادى.

ايداربەك سەيپىل ۇلى 1966 -جىلى 12-ماۋسىمدا سولتۇستىك قازاقستان وبلىسىندا دۇنيەگە كەلگەن.

ومبى اۋىلشارۋاشىلىعى ينستيتۋتىن (1992)، ماناش قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىن (2006) زووينجەنەر ماماندىعى، مەملەكەتتىك باسقارۋ باكالاۆرى بويىنشا ءتامامداعان.

«قۇرمەت»، «پاراسات» وردەندەرىمەن، «استاناعا 10 جىل» مەرەيتويلىق مەدالمەن ماراپاتتالعان.

08.1984 - 10.1984 - سوۆحوز بۋحگالتەرى، سولتۇستىك قازاقستان وبلىسى

09.1992 - 10.1995 - زووتەحنيك- ورىنداۋشى، كالينين اتىنداعى شارۋاشىلىقتىڭ كوممەرتسيالىق ديرەكتورى، سولتۇستىك قازاقستان وبلىسى

10.1995 - 09.2003 - ديرەكتور، «نوعايباي» جشس باس ديرەكتورى، سولتۇستىك قازاقستان وبلىسى

09.2003 - 02.2005 - «ازىق- تۇلىك كەلىسىم - شارت كورپوراتسياسى» اق سولتۇستىك قازاقستان وبلىستىق فيليالى ديرەكتورىنىڭ ورىنباسارى، پەتروپاۆل قالاسى

02.2005 - 03.2006 - «ازىق- تۇلىك كەلىسىم - شارت كورپوراتسياسى» اق سولتۇستىك قازاقستان وبلىستىق وكىلدىگى ديرەكتورىنىڭ ءبىرىنشى ورىنباسارى، پەتروپاۆل قالاسى

03.2006 - 09.2006 - سولتۇستىك قازاقستان وبلىسى بويىنشا قازاقستان رەسپۋبليكاسىنىڭ اۋىل شارۋاشىلىعى مينيسترلىگىنىڭ وبلىستىق اۋماقتىق باسقارماسىنىڭ باسشىسى، پەتروپاۆل قالاسى

03.2006 - 11.2006 - سولتۇستىك قازاقستان وبلىسى بويىنشا قازاقستان رەسپۋبليكاسىنىڭ اۋىل شارۋاشىلىعى مينيسترلىگىنىڭ وبلىستىق اۋماقتىق ينسپەكتسياسىنىڭ باسشىسى، پەتروپاۆل قالاسى

11.2006 - 03.2008 - سولتۇستىك قازاقستان وبلىسى شال اقىن اۋدانىنىڭ اكىمى، سولتۇستىك قازاقستان وبلىسى

03.2008 - 04.2010 - ماعجان جۇمابايەۆ اۋدانىنىڭ اكىمى، سولتۇستىك قازاقستان وبلىسى

04.2010 - 09.2011 - سولتۇستىك قازاقستان وبلىسى اكىمىنىڭ اۋىل شارۋاشىلىعى جونىندەگى ورىنباسارى، پەتروپاۆل قالاسى

09.2011 - 03.2019 - سولتۇستىك قازاقستان وبلىسى اكىمىنىڭ ءبىرىنشى ورىنباسارى، پەتروپاۆل قالاسى

2019 -جىلدىڭ ناۋرىزىنان بەرى اۋىل شارۋاشىلىعى ءبىرىنشى ۆيتسە- ءمينيسترى قىزمەتىن اتقارىپ كەلدى.

فوتو: gov.kz