بەيبىت يسابايەۆ جەتىسۋ وبلىسىنىڭ اكىمى لاۋازىمىنا تاعايىندالدى

None
تالدىقورعان. قازاقپارات - بەيبىت وكسىكباي ۇلى يسابايەۆ جەتىسۋ وبلىسىنىڭ اكىمى لاۋازىمىنا تاعايىندالدى. ءتيىستى جارلىق اقوردانىڭ سايتىندا جاريالاندى، دەپ حابارلايدى قازاقپارات.

بۇگىن جەتىسۋ وبلىسىنداعى بارلىق دەڭگەيدەگى دەپۋتاتتار جاڭا وبلىس اكىمىن سايلاۋعا كەلىسىمىن بەردى.

ءوڭىردى باسقارۋعا ەكى كانديدات ۇسىنىلدى. ولار - تالدىقورعان قالاسىنىڭ اكىمى اسەت ماسابايەۆ پەن وبلىستى التى ايدان بەرى باسقارعان بەيبىت يسابايەۆ.

داۋىس بەرۋ اشىق تۇردە جۇرگىزىلدى. ياعني، حالىق قالاۋلىلارىنىڭ داۋىسى قول كوتەرۋ ارقىلى سانالدى.

وسىلايشا 142 دەپۋتاتتىڭ 114- ءى بەيبىت يسابايەۆتىڭ، 28- ءى اسەت ماسابايەۆتىڭ كانديداتۋراسىن قولدادى.

دەپۋتاتتاردىڭ كەلىسىمىنەن كەيىن مەملەكەت باسشىسى جارلىققا قول قويىپ، بەيبىت وكسىكباي ۇلى يسابايەۆ جەتىسۋ وبلىسىنىڭ اكىمى لاۋازىمىنا تاعايىندالدى.

ايتا كەتەيڭىك، بەيبىت وكسىكباي ۇلى يسابايەۆ 1962 -جىلى الماتى وبلىسىندا تۋعان.

س. م. كيروۆ اتىنداعى قازاق مەملەكەتتىك ۋنيۆەرسيتەتىن، قازاقستان رەسپۋبليكاسى سىرتقى ىستەر مينيسترلىگىنىڭ ديپلوماتيالىق اكادەمياسىن بىتىرگەن. ماماندىعى - جۋرناليست، حالىقارالىق قاتىناستار مامانى. توتەنشە جانە وكىلەتتى ەلشى ديپلوماتيالىق دارەجەسى بار، ساياسي عىلىمداردىڭ كانديداتى.

1985-1994 -جىلدارى ءارتۇرلى بۇقارالىق اقپارات قۇرالدارىندا جۇمىس ىستەدى. «وركەن» - «گوريزونت» گازەتتەرىنىڭ باس رەداكتورى، قازاق مەملەكەتتىك تەلەراديو كەشەنىنىڭ باس ديرەكتورى بولدى.

1994-1997 -جىلدارى الماتى قالاسى اكىمشىلىگىندە باسشىلىق قىزمەتتەر اتقاردى، قالا اكىمىنىڭ ورىنباسارى بولدى.

1997-2000 -جىلداردا - قازاقستان رەسپۋبليكاسى سىرتقى ىستەر مينيسترلىگى ديپلوماتيالىق اكادەمياسىنىڭ تىڭداۋشىسى، سىرتقى ىستەر مينيسترلىگى اكىمشىلىك دەپارتامەنتىنىڭ ديرەكتورى.

2000-2002 -جىلدارى قازاقستان رەسپۋبليكاسى پرەمەر- ءمينيسترى كەڭسەسىنىڭ ۇكىمەتتىك اقپارات ءبولىمىنىڭ مەڭگەرۋشىسى لاۋازىمىن اتقاردى.

2002-2003 -جىلدارى - قازاقستان رەسپۋبليكاسى سىرتقى ىستەر ءمينيسترىنىڭ كەڭەسشىسى، سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى، قازاقستان رەسپۋبليكاسىنىڭ «ورتالىق ازيا ىنتىماقتاستىعى» ۇيىمى ماسەلەلەرى جونىندەگى ۇلتتىق ۇيلەستىرۋشىسى.

2003-2008 -جىلداردا قازاقستان رەسپۋبليكاسىنىڭ پاكىستان يسلام رەسپۋبليكاسىنداعى توتەنشە جانە وكىلەتتى ەلشىسى، قازاقستان رەسپۋبليكاسىنىڭ تۇركيا رەسپۋبليكاسىنداعى توتەنشە جانە وكىلەتتى ەلشىسى، قازاقستان رەسپۋبليكاسىنىڭ البانيا رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى بولدى.

2008-2009 -جىلداردا قازاقستان رەسپۋبليكاسىنىڭ مادەنيەت جانە اقپارات ۆيتسە- ءمينيسترى، قازاقستان رەسپۋبليكاسى پرەزيدەنتىنىڭ باسپا ءسوز حاتشىسى قىزمەتتەرىن اتقاردى.

2009-2019 -جىلدارى - قازاقستان رەسپۋبليكاسىنىڭ قىرعىز، ازەربايجان رەسپۋبليكالارىنداعى توتەنشە جانە وكىلەتتى ەلشىسى.

2019-2022 -جىلدار ارالىعىندا قازاقستان رەسپۋبليكاسى پرەزيدەنتىنىڭ پارلامەنتتەگى وكىلدىگىنىڭ باسشىسى، پارلامەنت سەناتىنىڭ دەپۋتاتى، الەۋمەتتىك- مادەني دامۋ جانە عىلىم كوميتەتىنىڭ ءتوراعاسى بولدى.

2022 -جىلدىڭ 11- ماۋسىمىنان باستاپ - جەتىسۋ وبلىسىنىڭ اكىمى.

اۆتور

سامال قابىشيەۆا

سوڭعى جاڭالىقتار