پرەمەر-مينيستر ەكىباستۇزداعى اپات سەبەپتەرىن ايتتى

ەكىباستۇز. قازاقپارات – ق ر پرەمەر-ءمينيسترى ءاليحان سمايىلوۆ ەكىباستۇزداعى اپاتتى جاعدايدىڭ باستى سەبەپتەرىن اتادى، دەپ حابارلايدى قازاقپارات ءتىلشىسى.

«قازىرگى جاعدايدىڭ سەبەپتەرى جىلۋ جەلىلەرىنىڭ ابدەن توزۋى جانە جىلۋ ورتالىعى باسشىلىعى تاراپىنان نەمقۇرايدىلىق پەن ينۆەستيتسيالاردىڭ جەتكىلىكسىزدىگى بولىپ وتىر. ءتيىستى تەرگەۋ جۇرگىزىلىپ جاتىر جانە بارلىق جاۋاپتى جانە كىنالى ادامدار، ارينە، جاۋاپقا تارتىلادى»، - دەدى پرەمەر-مينيستر ەكىباستۇزعا جۇمىس ساپارى بارىسىندا.

سونىمەن بىرگە، ۇكىمەت باسشىسى ج ە و يەلەرىمەن ءتيىستى جۇمىس جۇرگىزىلەتىنىن، بيىلعى جىلىتۋ ماۋسىمىندا ولار تولىعىمەن ت ە س پەن جىلۋ جەلىلەرىنىڭ تۇراقتى جۇمىسىن قامتاماسىز ەتەتىنىن جەتكىزدى.

27-قاراشادا ەكىباستۇز جىلۋ ەلەكتر ورتالىعىندا اپات بولىپ، قالا تۇرعىندارى جىلۋسىز قالعان ەدى.

كەيىنىرەك جىلۋ قازاندىعىنىڭ ىستەن شىعۋىنا بايلانىستى وبلىس اكىمى باستاعان جەدەل شتاب قۇرىلدى.

ەكىباستۇز قالاسىنىڭ وقۋشىلارى ونلاين وقيتىنى حابارلاندى. قالا اكىمىنىڭ ايتۋىنشا، 3 شاعىناۋدانعا ءالى جىلۋ بەرىلگەن جوق.

28-قاراشا تاڭەرتەڭ قالادا جەرگىلىكتى اۋقىمداعى توتەنشە جاعداي جاريالاندى.

جالپى ايتا كەتسەك، ەكىباستۇز قالاسى بويىنشا جالپى 422,5 ك م جىلۋ جەلىلەرى بار. «ەكىباستۇزتەپلوەنەرگو» ج ش س بالانسىندا 342,3 ك م، ولاردىڭ توزۋ دەڭگەيى %91 قۇرايدى.

ەكىباستۇز ج ە و- دا 10 قازاندىق ورنالاسقان، ونىڭ ىشىندە 5 ەنەرگەتيكالىق، 5 سۋ جىلىتۋ قازاندىعى. ەكىباستۇز قالاسىندا 689 كوپپاتەرلى ءۇي جانە ورتالىق جىلۋمەن جابدىقتاۋعا قوسىلعان 4395 جەكە ءۇي بار.