كىنالى ادامدار جاۋاپقا تارتىلادى - ءاليحان سمايىلوۆ ەكىباستۇزداعى ت ج تۋرالى
قالالىق ج ە و- داعى احۋالمەن، سونداي-اق پاۆلودار وبلىسى اكىمىنىڭ م. ا. ءا. سقاقوۆ پەن «پاۆلودارەنەرگو» ا ق باس ديرەكتورى م. ا. ۆ. لەسيننىڭ باياندامالارىمەن تانىسقان پرەمەر-مينيستر توتەنشە جاعدايدىڭ العاشقى كۇنىنەن باستاپ ارنايى جەدەل شتاب قۇرىلعانىن جانە اپاتتىڭ سالدارىن جويۋ ءۇشىن بارلىق قاجەتتى ماماندار تارتىلعانىن اتاپ ءوتتى.
«جاعداي دەرەۋ باقىلاۋعا الىندى. العاشقى كۇندەرى اپاتتى جەرلەردى انىقتاۋدا قيىندىقتار بولدى، ءبىراق قازىرگى ۋاقىتتا جوندەۋ جۇمىستارى اياقتالۋعا جاقىن. بۇگىن-ەرتەڭ بارلىق تۇرعىن ۇيلەرگە جىلۋ بەرۋ جۇمىستارى اياقتالادى دەپ وتىرمىز»، - دەدى ءاليحان سمايىلوۆ.
ۇكىمەت باسشىسىنىڭ ايتۋىنشا، جىلۋ جەلىلەرىنىڭ ابدەن توزۋى، جاڭعىرتۋ ءۇشىن ينۆەستيتسيالاردىڭ جەتىسپەۋى، سونداي- اق جىلۋ ورتالىعى باسشىلىعىنىڭ سالعىرتتىعى وسىنداي جاعدايعا الىپ كەلگەن. الدىن الا مالىمەتتەرگە سايكەس، جىلۋمەن جابدىقتاۋ جەلىسىنە جوعارى قىسىم بەرىلىپ، ونىڭ كەسىرىنەن 15 جەردە ءبىر ۋاقىتتا قۇبىرلار زاقىمدانعان.
پرەمەر-مينيستر قازىرگى ۋاقىتتا ءتيىستى تەرگەۋ جۇرگىزىلىپ جاتقانىن، ونىڭ ناتيجەلەرى بويىنشا بارلىق كىنالى تۇلعالار جاۋاپقا تارتىلاتىنىن ايتتى.
بۇدان باسقا، ج ە و تۇراقتىلىعىن قامتاماسىز ەتىپ، ونى جاڭعىرتۋعا جانە قالالىق جىلۋ جەلىلەرىن جاڭارتۋعا ينۆەستيتسيالار سالۋ بويىنشا جۇمىس جۇرگىزىلەتىن بولادى.
«ج ە و نەمەسە جىلۋ جەلىلەرىندە وقىس جاعدايلار ورىن العان وسكەمەن، رۋدنىي، ريددەر جانە باسقا قالالاردىڭ تۇرعىندارىن جىلۋمەن قامتاماسىز ەتۋ ماسەلەلەرى دە باقىلاۋدا»، - دەدى ءاليحان سمايىلوۆ.
جۇمىس ساپارى اياسىندا پرەمەر-مينيستر قالپىنا كەلتىرۋ جۇمىستارىنىڭ بارىسىمەن تانىستى جانە جىلۋسىز قالعان ۇيلەردىڭ ءبىرىنىڭ تۇرعىندارىمەن سويلەستى.
قورىتىندىلاي كەلە، ۇكىمەت باسشىسى اكىمدىككە حالىقپەن تۇراقتى كەرى بايلانىس ورناتىپ، الەۋمەتتىك جەلىلەر مەن «جەدەل جەلى» ارقىلى تۇسەتىن قالا تۇرعىندارىنىڭ بارلىق سۇرانىسىنا جەدەل جاۋاپ بەرۋ قاجەت ەكەنىن ايتتى.
27-قاراشادا ەكىباستۇز جىلۋ ەلەكتر ورتالىعىندا اپات بولىپ، قالا تۇرعىندارى جىلۋسىز قالعان ەدى.
كەيىنىرەك جىلۋ قازاندىعىنىڭ ىستەن شىعۋىنا بايلانىستى وبلىس اكىمى باستاعان جەدەل شتاب قۇرىلدى.
ەكىباستۇز قالاسىنىڭ وقۋشىلارى ونلاين وقيتىنى حابارلاندى. قالا اكىمىنىڭ ايتۋىنشا، 3 شاعىناۋدانعا ءالى جىلۋ بەرىلگەن جوق.
28-قاراشا تاڭەرتەڭ قالادا جەرگىلىكتى اۋقىمداعى توتەنشە جاعداي جاريالاندى.
جالپى ايتا كەتسەك، ەكىباستۇز قالاسى بويىنشا جالپى 422,5 ك م جىلۋ جەلىلەرى بار. «ەكىباستۇزتەپلوەنەرگو» ج ش س بالانسىندا 342,3 ك م، ولاردىڭ توزۋ دەڭگەيى %91 قۇرايدى.
ەكىباستۇز ج ە و- دا 10 قازاندىق ورنالاسقان، ونىڭ ىشىندە 5 ەنەرگەتيكالىق، 5 سۋ جىلىتۋ قازاندىعى. ەكىباستۇز قالاسىندا 689 كوپپاتەرلى ءۇي جانە ورتالىق جىلۋمەن جابدىقتاۋعا قوسىلعان 4395 جەكە ءۇي بار.