ماڭعىستاۋداعى كەن ورنىننان ەسكى قۇلپىتاس تابىلدى
قۇلپىتاستى ماڭعىستاۋ وبلىسى ءتۇپقاراعان اۋدانىنىڭ اۋماعىندا ورنالاسقان دوڭعا كەن ورنىنىڭ جۇمىسشىلارى كەزدەستىرگەن. ولار جۇمىس كەزىندە تاپ بولعان.
«قۇلپىتاستى ماڭعىستاۋ وبلىسى ءتۇپقاراعان اۋدانىنىڭ اۋماعىندا ورنالاسقان دوڭعا كەنورنىنان تاۋىپ الدىق. بۇل قابىر ءبىزدىڭ ارحەولوگتاردىڭ زەرتتەۋلەرىنە پايداعا اسادى دەپ ۇمىتتەنەمىز»، - دەپ وتىر جۇمىسشىلار.
ەسكى قۇلپىتاس اقتاۋ- فورت- شيەۆچەنكو اۆتوجول بويىندا ورنالاسقان.
«قۇلپىتاس تابىلعان دوڭعا كەن ورنىنا ارنايى ماماندار باردى. كونە زات تۇرعان اۋماقتىڭ جان- جاعى قازىلىپ قالعاندىقتان قۇلپىتاس ورنىنان ىعىسىپ كەتكەن سياقتى. قۇلپىتاستىڭ ناقتى قاي عاسىرعا جاتاتىنىن بىلمەيمىز. ارابشا جازۋى بار. ونى اراب ءتىلىن بىلەتىن ماماندارعا وقىتامىز. بۇل جەرگە تاعى دا زەرتتەۋ جۇمىستارى جۇرگىزىلەدى»، - دەدى ماڭعىستاۋ وبلىستىق مادەنيەت، ارحيۆتەر جانە قۇجاتتاما باسقارماسى تاريحي- مادەني مۇرا ءبولىمىنىڭ باسشىسى راسۋل اليەۆ.