ۆيتسە-ءمينيستر قازاقستان مەن فرانسيا اراسىندا ءابليازوۆتى ەكستراديتسيالاۋ تۋرالى ايتتى
ق ر سىرتقى ىستەر ۆيتسە-ءمينيسترى رومان ۆاسيلەنكو پرەزيدەنتتىڭ فرانسياعا ساپارى تۋرالى سۇراقتارعا بەرگەن جاۋابىندا وسىنداي مالىمەت ايتتى، دەپ حابارلايدى قازاقپارات ءتىلشىسى.
«ءابليازوۆ مىرزاعا كەلەتىن بولساق، بۇل - كوپتەگەن ەلدەردىڭ قۇقىق قورعاۋ ورگاندارىنىڭ نازارىنداعى ماسەلە. بۇل ماسەلە ساياسي دەڭگەيدە تالقىلانبايدى. تەك قازاقستاننىڭ عانا ەمەس، باسقا دا ەلدەردىڭ، سونىڭ ىشىندە ەۋروپا مەن ا ق ش-تىڭ سوت جانە قۇقىق قورعاۋ ورگاندارىنىڭ باقىلاۋىندا تۇر. ءابليازوۆ مىرزا قازاقستانداعى قۇقىق بۇزۋ فاكتىلەرى ءۇشىن 20 جىلعا سوتتالعانى بەلگىلى. سونىمەن قاتار، ونى لوندوننىڭ جوعارعى سوتى «ب ت ا» بانكىنەن شامامەن 4 ميلليارد دوللار ۇرلادى دەپ ايىپتادى»، - دەدى ۆيتسە-مينيستر ءماجىلىس كۋلۋارىندا.
ونىڭ مالىمەتى بويىنشا، قازىر مۇحتار ءابليازوۆتىڭ ۇستىنەن باسقا دا سوت پروتسەستەرى ءجۇرىپ جاتىر.
«مەنىڭ بىلۋىمشە، ا ق ش-تا، ۇلى بريتانيا مەن فرانسيادا وسىنداي ىستەر بار. سونىمەن قاتار، «ب ت ا» بانكى دە، الماتى اكىمدىگى دە، ق ر ادىلەت مينيسترلىگى دە قازاقستان جاعىنان وسى پروتسەسكە قاتىسۋشى تاراپ بولىپ وتىر. سوندىقتان بۇل ماسەلە تازا قۇقىقتىق كەڭىستىكتە قارالادى. ول ءابليازوۆ مىرزاعا قاتىستى ىستەر تەرگەلىپ جاتقان ەلدەردىڭ قۇقىق قورعاۋ ورگاندارىنىڭ ءوزارا ءىس- قيمىلىنىڭ قۇزىرەتى بولىپ ەسەپتەلەدى. ساياسي دەڭگەيدە مۇنداي ماسەلەلەر تالقىلانبايدى. بۇل - سوت جانە قۇقىق قورعاۋ ورگاندارىنىڭ قۇزىرەتى»، - دەدى رومان ۆاسيلەنكو.
«ەكستراديتسيالاۋ جوسپاردا بار ما؟» دەپ سۇرادى باق وكىلدەرى.
«قازاقستان مەن فرانسيا اراسىندا قازىرگى ۋاقىتتا ەكستراديتسيالاۋ تۋرالى كەلىسىم جاسالماعان. بۇل ماسەلە فرانتسۋز تاراپىمەن ودان ءارى تالقىلانادى. مەنىڭ بىلۋىمشە، قازىر فرانسيادا ءابليازوۆ مىرزاعا قاتىستى سوت پروتسەسى ءجۇرىپ جاتىر»، - دەدى سىرتقى ىستەر ءمينيسترىنىڭ ورىنباسارى.
ەسكە سالا كەتەيىك، ءبىز بۇعان دەيىن مۇحتار ءابىليازوۆتىڭ حالىقارالىق ىزدەستىرۋدە جۇرگەن سىبايلاسى قازاقستانعا اكەلىنگەنىن حابارلاعان ەدىك.