جەرگە تۇكىرگەن ەرلان سايروۆ ايىپپۇلدى جەڭىلدىكپەن تولەدى
«قۇرمەتتى دوستار! ءبىز قۇقىقتىق مەملەكەتتە ءومىر سۇرەمىز. ءاربىر ازامات ءوزىنىڭ ىستەگەنى ءۇشىن جاۋاپ بەرۋى قاجەت. مەن كەشەگى «حابار» ارناسىنداعى «تۇكىرىك» ءۇشىن ايىپپۇل تولەدىم. زاڭ الدىندا بارلىق ازامات تەڭ بولۋى كەرەك. بۇل - اكسيوما! سوندا عانا ادىلەتتى قوعام قۇرامىز»، - دەپ جازعان ەرلان سايروۆ تولەنگەن ايىپپۇل تۇبىرتەگىنىڭ سكرينىن قوسا ۇسىندى.
دەپۋتات 15315 تەڭگە كولەمىندەگى ايىپپۇلدى جەڭىلدىكپەن تولەگەن، ول 7657 تەڭگە 50 تيىندى قۇرايدى.
ماجىلىسمەن باسقا دا ازاماتتار زاڭ الدىندا ءوز جاۋاپكەرشىلىگىن سەزىنۋى قاجەت ەكەنىن اتاپ ءوتتى.
«اسىرەسە، حالىقتىڭ يگىلىگىن جىمقىرىپ قويعان وليگارحتار مەن الپاۋىتتار. ولاردىڭ جاۋاپكەرشىلىگىن ءبىز كوزدەرىنە «شۇقشيتىپ» كورسەتۋىمىز قاجەت. ءاربىر ادام وزگەرىستى وزىنەن باستاۋى ءتيىس. ءارقايسىمىز وزگەرسەك، مەملەكەتتى وزگەرتەمىز. مەنى قولداعان ازاماتتارعا كوپ راحمەت. مەنى سىنعا العان ازاماتتارعا دا ريزاشىلىعىمدى بىلدىرەمىن. ءبىز بىرگەمىز!»، - دەيدى ە. سايروۆ.
ايتا كەتەيىك، ءماجىلىس دەپۋتاتى تەلەارنانىڭ تىكەلەي ەفيرىنە قوسىلىپ، ەكىباستۇز قالاسىنداعى اپاتقا قاتىستى جاعدايدى جەتكىزۋ كەزىندە جەرگە تۇكىرىپ جىبەرگەن.
پوليتسيا دەپارتامەنتى ۆيدەونى زەرتتەپ، جالپى پايدالانۋ ورىندارىن لاستاۋ فاكتىسى بويىنشا ق ر اكىمشىلىك قۇقىقبۇزۋشىلىق كودەكسىنىڭ 434-2-بابى 1-بولىگى بويىنشا اكىمشىلىك ءىس قوزعادى جانە دەپۋتاتقا 5 ا ە ك (1 ا ە ك - 3063 تەڭگە) مولشەرىندە ايىپپۇل سالدى.
فوتو: t.me/POLICE_of_KZ
اۆتور
ايجان سەرىكجان قىزى