پرەزيدەنت فرانسيانىڭ جەتەكشى كومپانيالارىنىڭ باسشىلارىمەن كەزدەستى

استانا. قازاقپارات - پرەزيدەنت فرانسيانىڭ جەتەكشى كومپانيالارىنىڭ باسشىلارىمەن كەزدەستى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

شاراعا

Total Energies, Orano, Saint Gobain, Boehringer Ingelheim France, Soufflet Group, BPI France, Vicat, Syctom, Pellenc, FICT мал шаруашылығы қауымдастығы, Total Eren, PCM, Safran, Thales, Groupe EDF, Assystem, Alstom, Evolution International, MHB SAS, Exa International, Airbus, Rungis – Semmaris, MBDA, SOPREMA,

لۋي ۆيكات جانە باسقا دا ءىرى كومپانيالاردىڭ باسشىلارى قاتىستى.

مەملەكەت باسشىسى ءوز سوزىندە حالىقارالىق قوعامداستىق بۇگىندە كۇردەلى گەوساياسي جانە ەكونوميكالىق ماسەلەلەرمەن بەتپە- بەت كەلىپ وتىرعانىن اتاپ ءوتتى. ونىڭ ايتۋىنشا، جاڭا سىن- قاتەرلەر جاڭا مۇمكىندىكتەرگە جول اشادى. قيىن- قىستاۋ كەزەڭ - بايلانىس ورناتىپ، سەرىكتەستىكتى دامىتۋ ءۇشىن قولايلى ۋاقىت.

- ءبىز ورتاق ەكونوميكالىق جانە ساياسي مۇددەلەرىمىزدى ودان ءارى ىلگەرىلەتۋ ءۇشىن فرانسيامەن جانە جالپى ەۋروپامەن اراداعى قارىم- قاتىناستى جولعا قويعىمىز كەلەدى، - دەدى قاسىم- جومارت توقايەۆ.

مەملەكەت باسشىسى قازاقستان ەركىن جانە باسەكەگە قابىلەتتى نارىقتىق ەكونوميكانى نىعايتۋدى كوزدەپ وتىرعانىن اتاپ ءوتتى. سونداي- اق مونوپوليادان ارىلۋ قازاقستاندى قۋاتتى، باسەكەگە قابىلەتتى جانە ينۆەستورلارعا تارتىمدى ەتەدى دەپ سانايدى. ول بيزنەس احۋالدى جاقسارتۋ ءۇشىن زاڭناماعا ودان ءارى ءتيىستى وزگەرتۋلەردى ەنگىزۋگە دايىن ەكەنىن جەتكىزدى.

- بۇل جۇمىستىڭ العاشقى ناتيجەلەرى ماكروەكونوميكالىق دەرەكتەردەن كورىنىپ وتىر. بيىلعى 10 ايدا ج ءى ءو ءوسىمى 2,5 پايىزدى قۇرادى. بۇل بولجانعان ناتيجەدەن جوعارى. قولدانىستاعى تاسىمال تىزبەگىنىڭ ۇزىلۋىنە قاراماستان ءبىزدىڭ ەكسپورتىمىز 50 پايىزعا (63,8 ميلليارد دوللار) جۋىق ءوستى. 2022 -جىلدىڭ العاشقى التى ايىندا شەتەلدىك سەرىكتەستەرىمىز ءبىزدىڭ ەكونوميكامىزعا شامامەن 15 ميلليارد دوللار ينۆەستيتسيا قۇيدى. بۇل وتكەن جىلمەن سالىستىرعاندا شامامەن 30 پايىزعا كوپ. الداعى 7 جىلدا ءبىز 150 ميلليارد دوللار تىكەلەي شەتەل ينۆەستيتسياسىن تارتۋدى جوسپارلاپ وتىرمىز. قازاقستان ينۆەستيتسيا سالۋ جونىنەن ورتالىق ازياداعى ەڭ تارتىمدى ەل بولۋى ءۇشىن ينۆەستيتسيالىق ساياساتىمىزدى ۇنەمى جەتىلدىرىپ وتىرامىز، - دەدى قاسىم- جومارت توقايەۆ.

مەملەكەت باسشىسى فرانسيا قازاقستاننىڭ نەگىزگى ەكونوميكالىق ارىپتەستەرىنىڭ ءبىرى ەكەنىن اتاپ ءوتتى.

- بيىلعى توعىز ايدا قازاقستان مەن فرانسيا اراسىنداعى تاۋار اينالىمى 12 پايىزعا ءوستى. بۇگىندە 170-تەن استام فرانسۋز كومپانياسى، سونىڭ ىشىندە Total Energies, Orano, Airbus, Vicat, Air Liquide, Alstom, Saint-Gobain جانە باسقالارى قازاقستاندا تابىستى جۇمىس ىستەپ جاتىر. ولاردىڭ بارلىعى قازاقستان ەكونوميكاسىنا ەلەۋلى ۇلەس قوسىپ كەلەدى. فرانسيانىڭ قازاقستانداعى ساۋدا وكىلدىگىن قۇرۋ ىنتىماقتاستىعىمىزدى نىعايتۋعا ءوز سەپتىگىن تيگىزەر ەدى دەپ سانايمىن. ءبىز ونىڭ تەزىرەك قۇرىلعانىن قۇپتايمىز. سونداي- اق فرانسۋز كومپانيالارىن ەلىمىزدىڭ ينۆەستيتسيالىق مۇمكىندىكتەرىن قاراستىرۋعا شاقىرامىن. جيىنعا قاتىسۋشىلاردىڭ بارىنە قازاقستان قاۋىپسىز جانە تۇراقتى ينۆەستيتسيالىق ورتا قالىپتاستىرۋعا كەپىلدىك بەرەتىنىن نىق سەنىممەن ايتا الامىن، - دەدى مەملەكەت باسشىسى.

قاسىم- جومارت توقايەۆ كەزدەسۋگە قاتىسۋشىلارعا ينۆەستيتسيالىق ىنتىماقتاستىقتىڭ كەلەشەگى مول باعىتتارى تۋرالى ەگجەي- تەگجەيلى ايتتى.

- ءبىز اگروونەركاسىپ كەشەنىن دامىتىپ جاتىرمىز. ونىڭ ءوندىرىس كولەمىن 2,5 ەسە ۇلعايتۋ جانە ەكسپورتىمىزدىڭ كولەمىن ەكى ەسە ارتتىرۋ جوسپارلانىپ وتىر. تيىسىنشە، ءبىز اۋىل شارۋاشىلىعى ونىمدەرىن تەرەڭ وڭدەۋگە سالىناتىن ينۆەستيتسيانى ىنتالاندىرامىز جانە فرانتسيانىڭ ازىق- تۇلىك وندىرۋشىلەرىن وسىعان بايلانىستى ينۆەستيتسيالىق مۇمكىندىكتەردى قاراستىرۋعا شاقىرامىز. ءبىز وسىنداي جوبالارعا جان- جاقتى قولداۋ كورسەتۋگە دايىنبىز.

ەكىنشىدەن، بۇل - ىنتىماقتاستىق ورناتۋعا زور الەۋەتى بار ەكونوميكانىڭ ناقتى سەكتورى. ءبىز تابيعي رەسۋرستار قورى بويىنشا الەمدە التىنشى جانە تاۋ- كەن ءوندىرىسىنىڭ جالپى كولەمى بويىنشا (مۇناي مەن گازدى قوسپاعاندا) ونىنشى ورىندامىز. 2040 -جىلعا قاراي اسا ماڭىزدى ماتەريالدار مەن سيرەك كەزدەسەتىن مەتالدارعا دەگەن الەمدىك سۇرانىس ءتورت ەسە ارتادى دەپ بولجانىپ وتىر. ۇكىمەت قاجەتتى قولداۋ كورسەتۋگە دايىن. ءبىز كومپانيالار وزدەرىنىڭ وزىق تاجىريبەلەرىن، نوۋ- حاۋىن جانە جاڭا تەحنولوگيالارىن اكەلەدى دەپ ۇمىتتەنەمىز، - دەدى پرەزيدەنت.

سونىمەن قاتار مەملەكەت باسشىسى ەنەرگەتيكا، كولىك جانە لوگيستيكا، سيفرلاندىرۋ سالالارىنداعى ىنتىماقتاستىق پەرسپەكتيۆالارىنا توقتالدى.

پرەزيدەنت قازاقستان مەن فرانتسيا اراسىنداعى ەكونوميكالىق سەرىكتەستىك بارلىق سالادا ءارتاراپتانىپ، كەڭەيە بەرەتىنىنە سەنىم ءبىلدىردى.

- بۇگىنگى كونسترۋكتيۆتى ديالوگ بيزنەستى وركەندەتۋگە جانە ورتاق دامۋعا نيەتتى ەكەنىمىزدى تاعى دا ناقتىلاۋعا مۇمكىندىك بەرەدى. مەنىڭ اكىمشىلىگىم فرانسۋز كومپانيالارىنا وڭىردەگى ەكونوميكاسى ەڭ قارقىندى دامىپ كەلە جاتقان ەلدەردىڭ بىرىندە بيزنەس جۇرگىزۋى ءۇشىن بارلىق قاجەتتى قولداۋ كورسەتۋگە دايىن، - دەدى مەملەكەت باسشىسى.

كەزدەسۋ بارىسىندا قازاقستان- فرانتسيا ىسكەرلىك كەڭەسىنىڭ تەڭ ءتوراعاسى يۆ- لۋي دارريكاررەر، سىرتقى ساۋدا، ەكونوميكالىق تارتىمدىلىق جانە شەتەلدەگى فرانسۋز ازاماتتارىنىڭ ىستەرى جونىندەگى مينيستر- دەلەگات، قازاقستان- فرانسيا ۇكىمەتارالىق كوميسسياسىنىڭ تەڭ ءتوراعاسى وليۆە بەشت، Airbus كومپانياسىنىڭ اتقارۋشى ۆيتسە- پرەزيدەنتى ۆان ۆەرش، Thales كومپانياسىنىڭ ۆيتسە- پرەزيدەنتى ماريون پارادا، Vicat كومپانياسىنىڭ پرەزيدەنتى گي سيدوس، Safran كومپانياسىنىڭ اعا ۆيتسە- پرەزيدەنتى ستەفان روللان، Saint-Gobain كومپانياسىنىڭ اعا ۆيتسە- پرەزيدەنتى پاتريك ديۋپين، PCM پرەزيدەنتى ماريو مارتينوني، Soufflet Group كومپانياسىنىڭ باس ديرەكتورى كريستوف پاسسەلاند، Boehringer Ingelheim France وكىلى نايدجەل سۆيفت جانە Evolution International كومپانياسىنىڭ بيزنەستى دامىتۋ جونىندەگى ديرەكتورى سيريل دجوسس ءسوز سويلەدى.