قىتايدا كوروناۆيرۋسقا قارسى شەكتەۋ شارالارى جەڭىلدەۋدە
بەيجىڭ اۋرۋلاردىڭ الدىن الۋ جانە باقىلاۋ ورتالىعىنان اتاپ وتكەندەي، COVID-19 ينفەكسياسىنىڭ سانى ءوسۋى اياسىندا ەپيدەميامەن كۇرەسۋ شارالارىن وڭتايلاندىرۋ قاجەت. بەيجىڭنىڭ ەپيدەميولوگيالىق قاۋپى جوعارى ايماقتارىندا ورنالاسقان تۇرعىن ءۇي كەشەندەرىنىڭ قاقپالارى مەن كىرەبەرىستەرىن بۇعاتتاۋعا تىيىم سالىنادى.
مەديتسينالىق تاسىمالداۋ، شۇعىل ەۆاكۋاتسيالاۋ جانە شۇعىل كومەك كورسەتۋ ءۇشىن جول بوس بولۋى كەرەك. بۇعان دەيىن قىتاي استاناسىنىڭ بيلىگى ازىق- تۇلىك پەن قاجەتتى تاۋارلاردى ساتاتىن ساۋدا ورتالىقتارى مەن سۋپەرماركەتتەردىڭ جۇمىسىن جانداندىرۋدى جەدەلدەتەتىنىن حابارلادى. مۇنداي ساۋدا نۇكتەلەرىنە COVID-19 جاعدايلارى انىقتالعان كەزدە عيمارات جابىلعاننان كەيىن جانە دەزينفەكسيالانعاننان كەيىن جۇمىستى قايتا باستاۋعا رۇقسات ەتىلەدى. وتكەن تاۋلىكتە بەيجىڭدە كوروناۆيرۋس جۇقتىرۋدىڭ 4,3 مىڭنان استام جاڭا جاعدايى انىقتالدى. ق ح ر شىڭجاڭ- ۇيعىر اۆتونوميالىق ولكەسىنىڭ (ش ۇ ا ءو) اكىمشىلىك ورتالىعى - ءۇرىمجى قالاسىندا قوعامدىق كولىك جانە جەتكىزۋ قىزمەتتەرىنىڭ جۇمىسى قالپىنا كەلتىرىلدى. ەپيدەميولوگيالىق قاۋىپ دەڭگەيى تومەن قالالىق اۋدانداردا كاسىپورىندار، سۋپەرماركەتتەر، ءدارىحانالار مەن تاماقتانۋ ورىندارى جۇمىسىن جالعاستىرۋدا.
ءۇرىمجى مۋنيتسيپالدىق بيلىگى سەيسەنبى كۇنى بريفينگ بارىسىندا مۇقتاج تۇرعىندارعا كوروناۆيرۋس ەپيدەمياسىنىڭ سالدارىن جەڭۋگە كومەك كورسەتۋگە باعىتتالعان شارالار ازىرلەنگەنىن مالىمدەدى. تابىسى تومەن نەمەسە تابىسى جوق قالا تۇرعىندارى ءۇشىن سۋبسيديالار بەرىلەدى. مەملەكەتتىك تۇرعىن ءۇي باعدارلامالارى بويىنشا تۇرعىن ءۇيدى جالعا الاتىن وتباسىلار بەس ايعا جالداۋ اقىسىنان بوساتىلادى. ۇرىمجىدە تۇراتىن جانە جۇمىس ىزدەۋدە قيىندىقتارعا تاپ بولعان از قامتىلعان تۇرعىندار ءۇشىن قالا بيلىگى جۇمىس ورىندارىن ۇسىنادى. ق ح ر دەنساۋلىق ساقتاۋ ىستەرى جونىندەگى مەملەكەتتىك كوميتەتىنىڭ مالىمەتىنشە، وتكەن تاۋلىكتە قۇرلىقتىق قىتايدا اۋرۋ جۇقتىرۋدىڭ 38 مىڭنان استام جاڭا جاعدايى انىقتالدى.
بۇعان دەيىن حابارلاعانىمىزداي، قىتايدا ءبىر تاۋلىكتە كوررناۆيرۋس جۇقتىرعاندار سانى 40 مىڭنان اسقان بولاتىن. سوڭعى التى اي ىشىندە قىتايدا العاش رەت كوروناۆيرۋستان بولعان ءۇش ءولىم جاعدايى تىركەلگەن ەدى.
سونىمەن قاتار بەيجىڭدە كوروناۆيرۋس كارانتينىنە قارسى نارازىلىق شەرۋى ءوتتى.
فوتو: Su Yang/ EFE
اۆتور
اقبوپە ءابدراسۋل