تۇركىستاندا «تۇران» ارنايى ەكونوميكالىق ايماعى قۇرىلادى
جوبا مەملەكەت باسشىسىنىڭ تۇركى تىلدەس ەلدەردى بىرىكتىرەتىن ارنايى ەكونوميكالىق ايماق قۇرۋ تۋرالى تاپسىرماسى اياسىندا جۇزەگە اسپاق.
«TURAN» ا ە ا اۋماعى 4 گەكتاردى قۇراپ، 6 قوسالقى ايماقتان تۇرادى. ولار تاريحي ورتالىق، اكىمشىلىك- ىسكەرلىك ورتالىق، Greenfield (ورانعاي اۋىلى) ، Brownfield ونەركاسىپتىك قوسالقى ايماق (كەنتاۋ قالاسى) جانە تۇركىستان قالاسى مەن حالىقارالىق اۋەجاي اۋماعى.
بۇگىن تۇركىستان وبلىسىنىڭ اكىمى دارحان ساتىبالدى ماڭىزدى جوبانى جۇزەگە اسىرۋ بارىسىن تالقىلاۋ ماقساتىندا جاۋاپتى سالا باسشىلارىنىڭ باسىن قوستى.
«ءبىزدىڭ باسىم باعىتتاردىڭ ءبىرى - ءوندىرىس جانە جۇمىس ورىندارىن اشۋ. وسى باعىتتا بار مۇمكىندىكتى قاراستىرامىز. بۇل رەتتە تۇركى مەملەكەتتەرىنەن دە ينۆەستيتسيا تارتۋدىڭ ماڭىزى زور»، - دەدى ءوڭىر باسشىسى.
ايتا كەتەيىك، تۇركىتىلدەس مەملەكەتتەر ۇيىمىنا مۇشە ەلدەردىڭ مەملەكەت باسشىلارىنىڭ قاتىسۋىمەن سامارقاندا وتكەن سامميتتە «TURAN» ا ە ا قۇرۋ تۋرالى قازاقستان باستاماسى بارلىق مۇشەلەر تاراپىنان قولداۋ تاپقان بولاتىن. نەگىزگى ماقسات - تۇركىستان قالاسىن جەدەلدەتە دامىتۋ جانە تۇركىستان قالاسىنىڭ ينۆەستيتسيالىق الەۋەتىن جوعارىلاتۋ.