الماتىدا جىل سوڭىنا دەيىن قۋاتتى جەر سىلكىنىسى بولمايدى - سەيسمولوگ

None
الماتى. قازاقپارات - الماتىدا جىل سوڭىنا دەيىن قۋاتتى جەر سىلكىنىستەرى بولمايدى.

بۇل تۋرالى وڭىرلىك كوممۋنيكاتسيالار قىزمەتىنىڭ بريفينگىندە ق ر ت ج م قاراستى سەيسمولوگيا ينستيتۋتىنىڭ ديرەكتورى داۋلەت سارسەنبايەۆ ايتتى، دەپ حابارلايدى قازاقپارات ءتىلشىسى.

«ءبىزدىڭ ينستيتۋتتىڭ بازاسىندا تۇراقتى بولجام جاسايتىن كوميسسيا بار. ونىڭ قورىتىندىسى بويىنشا، وسى جىلدىڭ سوڭىنا دەيىن الماتى قالاسىنىڭ اۋماعىندا قۋاتتى جەر سىلكىنىستەرى كۇتىلمەيدى»، - دەدى داۋلەت سارسەنبايەۆ.

ونىڭ ايتۋىنشا، دامىعان ەلدەردىڭ وزىندە دە جەر سىلكىنىسىنىڭ ناقتى بولاتىن نەمەسە بولمايتىنىن ايتا المايدى.

«عالىمدار كۇن سايىن سەيسمولوگيالىق ستانتسيالاردان مالىمەتتەر جيناپ، بولجامدى انىقتاۋ ءۇشىن 200 دەن استام پارامەتردى وڭدەيدى. دەگەنمەن ءبىزدىڭ ساراپشىلار قالادا 0,7 ىقتيمالدىلىق بويىنشا كۇشتى جەر سىلكىنىسى بولمايدى دەپ سەنىمدى تۇردە ايتۋدا. قازىر قالا تۇرعىندارىن كۇشتى جەر سىلكىنىسى تۋرالى ەرتە حابارلاۋ جۇيەسىن ەنگىزۋ جۇمىستارى جۇرگىزىلۋدە. مەملەكەت باسشىسىنىڭ تاپسىرماسىنا وراي 2025 -جىلعا دەيىن ەرتە حابارلاۋ جۇيەسى مەن دارمەن ءموبيلدى قوسىمشاسىن بىرىكتىرە وتىرىپ، 28 ەرتە حابارلاۋ جۇيەسىنىڭ ستانتسياسىن ورناتۋ جوسپارلانۋدا»، - دەدى د. سارسەنبايەۆ.

ەسكە سالايىق، الماتىدا 2-جەلتوقسان كۇنى جالپى قالالىق سەيسموجاتتىعۋ وتەدى.

سوڭعى جاڭالىقتار