17:31, 29 - قاراشا 2022 | GMT +6
قازاقستان مەن ا ق ش سىرتقى ساياسات ۆەدومستۆولارىنىڭ باسشىلارى ىنتىماقتاستىق پەرسپەكتيۆاسىن تالقىلادى
استانا. قازاقپارات – ق ر پرەمەر- ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى ا ق ش مەملەكەتتىك حاتشىسى ەنتوني بلينكەنمەن قوس ەل اراسىنداعى ىنتىماقتاستىقتى ودان ءارى دامىتۋدىڭ كەڭ اۋقىمدى ماسەلەلەرىن تالقىلادى، دەپ حابارلايدى قازاقپارات.
ق ر سىرتقى ىستەر مينيسترلىگىنەن ءمالىم ەتكەندەي، تەلەفون ارقىلى سۇحبات امەريكا تاراپىنىڭ باستاماسىمەن ءوتتى.
«كەلىسسوزدەر بارىسىندا تاراپتار كەڭەيتىلگەن ستراتەگيالىق سەرىكتەستىك رۋحىندا دامىپ كەلە جاتقان قازاقستان مەن اقش اراسىنداعى ەكىجاقتى جانە كوپجاقتى ىنتىماقتاستىقتى ودان ءارى ىلگەرىلەتۋدىڭ كەڭ اۋقىمدى ماسەلەلەرىن، سونداي- اق حالىقارالىق جانە وڭىرلىك كۇن تارتىبىندەگى وزەكتى پروبلەماتيكانى تالقىلادى.
م. تىلەۋبەردى 2022 -جىلعى 20-قاراشادا وتكەن پرەزيدەنت سايلاۋىنىڭ قورىتىندىسى جونىندە ە. بلينكەندى ەگجەي- تەگجەيلى حاباردار ەتىپ، قازاقستان پرەزيدەنتى قاسىم- جومارت توقايەۆتىڭ دەموكراتيالىق رەفورمالارىن ۆاشينگتوننىڭ قولدايتىنىن راستاعان ا ق ش مەملەكەتتىك دەپارتامەنتىنىڭ مالىمدەمەسى ءۇشىن العىس ايتتى»، - دەلىنگەن س ءى م مالىمەتىندە.