ىشكى ىستەر مينيسترلىگى تۇرمەدەن حابارلاساتىن الاياقتاردىڭ بارىن راستادى

استانا. قازاقپارات – ق ر ءى ءى م كريمينالدىق پوليتسيا دەپارتامەنتى كيبەرقىلمىسقا قارسى كۇرەس ورتالىعىنىڭ باسشىسى جاندوس ءسۇيىنباي تۇرمەدەن قوڭىراۋ شالاتىن ينتەرنەت-الاياقتار تۋرالى مالىمەتتى راستادى، دەپ حابارلايدى قازاقپارات ءتىلشىسى.

ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا كەيبىر ينتەرنەت-الاياقتاردىڭ تۇرمەدەن حابارلاساتىنى تۋرالى ساۋال قويىلدى.

ءوز كەزەگىندە ىشكى ىستەر مينيسترلىگىنىڭ وكىلى اتالعان جايتتى راستادى.

«ءيا، ونداي جاعداي بولدى. ءبىز قىلمىستىق-اتقارۋ جۇيەسى كوميتەتىمەن اتالعان ماسەلە بويىنشا بىرنەشە بىرلەسكەن ءىس-شارا وتكىزدىك. قاماۋدا وتىرعان تۇلعالاردىڭ قاتىسى بارى انىقتالدى. بۇل باعىتتا شۇعىل الدىن الۋ شارالارى ءجيى ءوتىپ تۇرادى. اتالعان جايت بويىنشا فاكتىنىڭ بولعانىن راستايمىن. ءدال قازىر مەنىڭ قولىمدا ناقتى دەرەكتەر جوق، كەيىنىرەك جىبەرە الامىن»، - دەدى جاندوس ءسۇيىنباي ءتىلشى سۇراعىنا جاۋاپ بەرە وتىرىپ.