الماتىدا قاڭتار وقيعاسى كەزىندە بۇلىنگەن عيمارات جوندەلىپ ءبىتتى

الماتى. قازاقپارات - الماتىدا قاڭتار وقيعاسى كەزىندە قيراعان Amanat پارتياسىنىڭ بۇرىنعى عيماراتى قالپىنا كەلتىرىلدى، دەپ حابارلايدى قازاقپارات ءتىلشىسى.

پارتيا بالانسىندا بولعان عيمارات تولە ءبي كوشەسى، 277 مەكەنجايىندا ورنالاسقان. الايدا، پارتيا فيليالىنىڭ باسپا ءسوز قىزمەتىنىڭ حابارلاۋىنشا، بۇل عيمارات ەندى باسقا مەنشىك يەسىنە تيەسىلى.

«وسىعان دەيىن بۇل عيماراتتا پارتيانىڭ اۋەزوۆ اۋداندىق فيليالى ورنالاسقان بولاتىن. ماتەريالدىق-تەحنيكالىق جاراقتاندىرۋدى جاقسارتۋ ماقساتىندا 2021-جىلدىڭ 23- جەلتوقسانىندا فيليال باسقا جاققا كوشتى»، - دەپ اتاپ ءوتتى پارتيانىڭ باسپا ءسوز قىزمەتى.

ەسكە سالايىق، قاڭتار وقيعاسى كەزىندە الماتىدا عيماراتتار، ستراتەگيالىق نىساندار، ارنايى قىزمەتتەردىڭ كولىكتەرى مەن ادامدار زارداپ شەكتى.