تابىس كوزى از بولعان جاعدايدا اقشانى قالاي جيناعان دۇرىس؟
ونىڭ ايتىنشا، كەز كەلگەن ادامدا جيناقتىڭ بولۋى ءوزىنىڭ جانە وتباسىنىڭ قاۋىپسىزىگىن قامتاماسىز ەتەدى. ال بەلگىلى ءبىر جيناقتىڭ بولۋى تابىس كوزىنە بايلانىستى ەمەس. جالاقى مولشەرىنە قاراماي اقشانى دۇرىس جيناۋعا بولادى.
«بىرىنشىدەن، تابىس از بولسا دا، كىرىس مولشەرىنەن بەلگىلى ءبىر سومانى جيناۋ كەرەك. ول جالاقىنىڭ 5-10 پروتسەنتى بولۋى دا مۇمكىن. اي سايىن بولاشاققا دەپ شەگەرىلگەن از سوما دا ۇلكەن جيناققا اينالادى. ەڭ باستىسى - ايىنا جالاقىنىڭ 10 پروتسەنتىن جيناۋدى ءجون كورسەڭىز، كەلەسى ايدا ءدال وسى جوسپاردى ۇستانىڭىز»، - دەدى كلوپەنكو.
سونداي-اق، مامان بروكەرلىك ەسەپشوت اشىپ، اقشا سالىپ تۇرۋعا كەڭەس بەردى. بۇل رەتتە قارجىگەر جيناقتاردى ءارتاراپتاندىرۋ قاجەت ەكەنىن اتاپ ءوتتى. اقشانىڭ ءبىر بولىگىن دوللارعا اينالدىرۋ، ءبىر بولىگىن ەۋرودا نەمەسە باعالى شەتەلدىك قاعازداردا ساقتاۋ بولسا، ەندى ءبىر بولىگىن ۇلتتىق ۆاليۋتادا جيناقتاۋ كەرەك.
مامان پسيحولوگيالىق تۇرعىدان وڭاي جانە ىڭعايلى بولۋى ءۇشىن كىرىس تۇسكەن بويدا قارجىنى جوسپارلاۋ كەرەك ەكەنىن العا تارتتى.
«اقشانى دۇرىس جيناۋ جولىندا بانكتەن جەكە شوت اشقان دۇرىس. بۇل رەتتە ءسىز ءوزىڭىزدىڭ اقشاڭىزدى جوسپارسىز جۇمساماي، پسيحولوگيالىق تۇرعىدا جيناق سومانى تولتىرۋعا تىرىساسىز»، - دەدى ول.