الماتى تۇرعىنىن ءبىر توپ جىگىت ۇرىپ ءولتىردى

الماتى. قازاقپارات- الماتى قالاسىندا 48 جاستاعى ەر ادام كىسى قولىنان كوز جۇمدى، دەپ حابارلايدى قازاقپارات ءتىلشىسى.

الماتى قالالىق پوليسيا دەپارتامەنتىنىڭ مالىمەتىنشە، اتالعان دەرەك ق ر ق ك 99-بابى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلگەن.

«وسى قىلمىستى جاساعان كۇدىكتى «ءىزىن سۋىتپاي» ۇستالدى. سوت ونى قاماۋعا الۋ جونىندە شەشىم شىعاردى. الدىن الا مالىمەت بويىنشا، ماس ەر ادامدار اراسىندا جانجال، سودان كەيىن توبەلەس بولعان. قىلمىستىڭ وزگە دە ءمان- جايى قوسىمشا تەرگەۋ بارىسىندا انىقتالادى»، - دەپ حابارلادى الماتى قالالىق پوليتسيا دەپارتامەنتىنىڭ باسپا ءسوز قىزمەتى.

جەتىسۋ اۋداندىق پوليتسيا باسقارماسى كىسى ولىمىنە قاتىسى بار تاعى ەكى ادامنىڭ ۇستالعانىن حابارلادى.

«ولاردىڭ ۇستىنەن ق ر قك 203-بابى بويىنشا ءىس قوزعالدى»، - دەپ اتاپ ءوتتى پوليسيادان.

ايتا كەتەيىك، كىسى قولىنان قازا تاپقان ەر ادام 1974 -جىلى تۋعان.