ەڭبەك كۇشى تاپشى وڭىرگە قونىس اۋدارعان ازاماتتار جۇمىسقا ورنالاسىپ، باسپانالى بولادى
تامارا دۇيسەنوۆانىڭ اتاپ وتۋىنشە، «اشىق قازاقستان 500+» اتتى كوشى- قون ساياساتىنىڭ جاڭا تۇجىرىمداماسىنىڭ جەتىنشى باعىتى ەڭبەك كۇشىنىڭ تاپشىلىعى بار وڭىرلەرگە ىشكى ۇتقىرلىقتى ىنتالاندىرۋدى كوزدەيدى.
«ول ءۇشىن ازاماتتاردى كوشىپ بارعان جەرىندە جۇمىسپەن قامتاماسىز ەتۋ جانە ولاردىڭ باسپانالى بولۋىنا مۇمكىندىك جاساۋ كەرەك. جۇمىس ورىندارىن اشۋ بىرنەشە باعىت بويىنشا ۇيىمداستىرىلادى. ءبىرىنشى - جەرگىلىكتى جۇمىس بەرۋشىلەردىڭ ەسەبىنەن جاڭا جۇمىس ورىندارىن قۇرۋ، ەكىنشى - سولتۇستىك وڭىرلەرگە ەلىمىزدىڭ باسقا اۋماقتارىندا تابىستى ىسكە اسىرىلعان جوبالاردى، سونداي- اق جامبىل وبلىسىنىڭ اۋىل شارۋاشىلىعى كووپەراتسياسىن دامىتۋ تاجىريبەسىن ترانسفەرتتەۋ جانە ونىڭ اۋقىمىن كەڭەيتۋ، ءۇشىنشى - قانداستار مەن قونىس اۋدارۋشىلاردى گرانتتاردى بەرە وتىرىپ وقىتۋدى ۇيىمداستىرۋ، كەيىن ولاردىڭ جۇمىسقا ورنالاسۋىنا جاردەمدەسۋ»، - دەدى ول.
ال باسپانا ماسەلەسىن شەشۋ ءۇشىن مينيستر تۇرعىن ءۇي قۇنىنىڭ 50 پايىزى مولشەرىندەگى شىعىندى وتەۋگە مۇمكىندىك بەرەتىن ەكونوميكالىق ۇتقىرلىق سەرتيفيكاتىن تاپسىرۋ كوزدەلىپ وتىرعانىن ايتادى.
اۆتور
مارلان جيەمباي