شەتەل كاسىپكەرلەرى ءۇشىن «ينۆەستور ۆيزاسى» ەنگىزىلەدى
ءمينيستردىڭ ايتۋىنشا، «اشىق قازاقستان 500+» اتتى كوشى- قون ساياساتىنىڭ جاڭا تۇجىرىمداماسىنىڭ ەكىنشى باعىتى - بيزنەس- يمميگراتسيا.
«ينۆەستيتسيا تارتۋ ءۇشىن الەم مەملەكەتتەرى اراسىنداعى باسەكە جىل وتكەن سايىن كۇشەيىپ كەلەدى. وسى ورايدا، مەملەكەت باسشىسىنىڭ تاپسىرماسىنا سايكەس جانە ەكونوميكالىق ىنتىماقتاستىق جانە دامۋ ۇيىمى مەملەكەتتەرىنىڭ تاجىريبەسىنە سۇيەنە وتىرىپ، ينۆەستيتسيالىق ۆيزا بەرۋدىڭ تومەنگى شەگىن 300 مىڭ ا ق ش دوللارىنا دەيىن ازايتۋ قاراستىرىلعان»، دەدى ول.
ونىڭ اتاپ وتۋىنشە، ەلىمىزگە كەمىندە وسىنداي كولەمدە ينۆەستيتسيا سالعان شەتەل كاسىپكەرلەرى ءۇشىن «ينۆەستور ۆيزاسىن» ەنگىزۋ ۇسىنىلادى.
«بۇل ۆيزا قازاقستان اۋماعىندا تۇرۋعا، بيزنەسىن تىركەۋگە، مۇلىككە يەلىك ەتۋگە، قىزمەتكەرلەر جالداۋعا، قارجى تولەمدەرىن جۇرگىزۋگە جانە ولاردىڭ كاسىپكەرلىك قىزمەتىنەن تۋىندايتىن باسقا دا وپەراتسيالاردى ەركىن جۇزەگە اسىرۋعا مۇمكىندىك بەرەدى»، - دەدى تامارا دۇيسەنوۆا.
اۆتور
مارلان جيەمباي