ەلىمىزگە بىلىكتى كادرلاردى تارتاتىن تۇجىرىمداما ازىرلەندى
«سىزدەردىڭ نازارلارىڭىزعا «اشىق قازاقستان 500+» اتتى كوشى- قون ساياساتىنىڭ جاڭا تۇجىرىمداماسىن ۇسىنىپ وتىرمىز. بۇل قۇجات مەملەكەت باسشىسىنىڭ تاپسىرماسىنا سايكەس ازىرلەنىپ، ەكونوميكالىق رەفورمالار جونىندەگى جوعارى كەڭەستە ماقۇلدانعان»، - دەدى مينيستر ق ر كوشى- قون ساياساتىنىڭ 2023-2027 -جىلدارعا ارنالعان تۇجىرىمداماسىن تانىستىرا كەلە.
تامارا دۇيسەنوۆانىڭ اتاپ وتۋىنشە، تۇجىرىمداما ەلىمىزدىڭ ەكونوميكالىق دامۋىن كادرلىق جاعىنان قامتاماسىز ەتۋدى كوزدەيدى.
«ونىڭ اياسىندا الداعى جۇمىستىڭ باستى 3 بلوگى ايقىندالدى. اتاپ ايتقاندا - ەلىمىزگە بىلىكتى كادرلاردىڭ كەلۋىن ىنتالاندىرۋ، شەتەلدە جۇمىس ىستەيتىن قازاقستاندىقتاردىڭ قۇقىعىن قورعاۋ جانە وڭىرلەر اراسىنداعى دەموگرافيالىق تەڭگەرىمسىزدىكتى جويۋ. سونداي- اق، ەلىمىزگە ەڭ تاپشى ماماندىقتار بويىنشا 500 مىقتى ماماندى تارتۋ ءۇشىن 7 باعىتتا جۇمىس جۇرگىزىلەدى»، - دەدى ول.
اۆتور
مارلان جيەمباي