ەرلان قارين قازاقستان تاريحىنان اكادەميالىق جيناقتىڭ ازىرلەنۋ بارىسىن تالقىلادى
كەزدەسۋدە مەملەكەت باسشىسىنىڭ «تاۋەلسىزدىك بارىنەن قىمبات» اتتى ماقالاسىندا بەرىلگەن تاپسىرماعا سايكەس دايىندالىپ جاتقان «قازاقستان تاريحى: ەجەلگى داۋىردەن بۇگىنگە دەيىن» كوپتومدىق اكادەميالىق باسىلىمنىڭ ازىرلەنۋ بارىسى تالقىلاندى.
باسىلىم زاماناۋي تۇجىرىمدامالىق تاسىلدەردى پايدالانا وتىرىپ، سونداي-اق شەتەلدىك مۇراعاتتار مەن كىتاپحانالاردان تابىلعان جاڭا تاريحي دەرەكتەردى تالداۋ ارقىلى دايىندالىپ جاتىر.
اتالعان جۇمىسقا ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ، مەملەكەت تاريحى ينستيتۋتىنىڭ، ءا. مارعۇلان اتىنداعى ارحەولوگيا ينستيتۋتىنىڭ، ر. سۇلەيمەنوۆ اتىنداعى شىعىستانۋ ينستيتۋتىنىڭ، ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ، ءال-فارابي اتىنداعى قازاق ۇلتتىق ۋنيۆەرسيتەتىنىڭ، حالىقارالىق تۇركى اكادەمياسىنىڭ، جوشى ۇلىسى ينستيتۋتىنىڭ جانە باسقا دا گۋمانيتارلىق عزي، ەلىمىزدىڭ جوعارى وقۋ ورىندارىنىڭ، سونداي-اق الىس جانە جاقىن شەت مەملەكەتتەردىڭ تاريحشى عالىمدارى تارتىلعان.