قازاقستان پرەزيدەنتى شەكارا ماڭىنداعى ىنتىماقتاستىقتى كۇشەيتۋدى ۇسىندى
قازاقستان پرەزيدەنتى ەلدەر اراسىنداعى ءوزارا ءتيىمدى ىنتىماقتاستىقتى ودان ءارى كەڭەيتۋ ءۇشىن بىرلەسكەن كۇش- جىگەردى بىرنەشە سالاعا جۇمىلدىرۋدى كەرەك ەكەنىن اتاپ ءوتتى. وسى ورايدا شەكارا ماڭىنداعى جانە ءوڭىرارالىق ىنتىماقتاستىق جونىندەگى شاعىن كوميسسيانىڭ قىزمەتىن كۇشەيتۋ قاجەت. شاعىن كوميسسيانىڭ نەگىزگى مىندەتتەرىنىڭ قاتارىندا ءوڭىرارالىق ىنتىماقتاستىق باعدارلامالارىن ۇيلەستىرۋ ءارى ىسكە اسىرۋ جاتادى. سوڭعى وتىرىس 2019-جىلدىڭ قازان ايىندا ءوتتى. الايدا كوروناۆيرۋسقا بايلانىستى سودان بەرى شاعىن كوميسسيا اياسىندا وتىرىستار بولعان جوق.
مەملەكەت باسشىسىنىڭ پايىمىنشا، اتالعان كوميسسيانىڭ كەزەكتى وتىرىسىن جاقىن ارادا وتكىزۋ كەرەك. سەبەبى تالقىلاۋدى قاجەت ەتەتىن كەيبىر ماسەلەلەر بار.
قاسىم-جومارت توقايەۆتىڭ سوزىنە قاراعاندا، شەكارا ماڭىنداعى ينفراقۇرىلىمدى جاقسارتۋعا، قازاقستان مەن رەسەي اراسىنداعى شەكارا وتكەلدەرىنىڭ وتكىزۋ مۇمكىندىگىن كەڭەيتۋگە ەرەكشە نازار اۋدارۋ قاجەت. بۇل جۇمىستى قالىپتاسىپ كەلە جاتقان ترانسۇلتتىق دالىزدەردى نازارعا الا وتىرىپ جۇرگىزۋ كەرەك.