فۋتبولدان الەم چەمپيوناتى: كامەرۋن مەن سەربيا تەڭ ءتۇستى
اتالعان توپتاعى ءبىرىنشى ويىن كامەرۋن جانە سەربيا اراسىندا بولدى. العاشقى تۋردا ەكەۋى دە قارسىلاستارىنا ەسە جىبەردى. كامەرۋن شۆەيتساريادان 0:1، سەربيا برازيليادان 0:2 ەسەبىمەن جەڭىلدى.
قۇرامالار جارىستى جالعاستىرۋدى الدىنا ماقسات ەتىپ وتىر. سوندىقتان ءوزارا كەزدەسۋدە جەڭىسكە جەتۋگە بار كۇشىن سالاتىنى بەلگىلى ەدى.
تورەشى ىسقىرىعى ەستىلگەن ساتتەن ويىن تارتىستى ءوربىدى. افريكا قۇرلىعىنىڭ وكىلدەرى العاشقى بولىپ ەسەپ اشتى. ونى 29-مينۋتتا جان-شارل كاستەللەتتو ءوزىنىڭ ەنشىسىنە جازدى. وعان نيكوليا ن'كۋلۋ پاس شىعارىپ بەردى.
ءبىرىنشى كەزەڭنىڭ سوڭىنا تامان سەربيالىق فۋتبولشىلار باسىمدىقتى ارتتىردى. الدىمەن 46-مينۋتتا ارىپتەسى دۋشان ءتاديچتىڭ بەرگەن پاسىن ستراحينيا پاۆلوۆيچ گولعا اينالدىردى. وسىلايشا ويىن بارىسىندا تارازى باسى تەڭەستى. سالدەن كەيىن سەربيالىق سەرگەي ميلينكوۆيچ-ساۆيچ 48-مينۋتتا ءوزىنىڭ قۇراماسىن العا شىعاردى.
ەكىنشى كەزەڭدە قوس قۇرامانىڭ دا ەسەپتى وزگەرتەتىن مۇمكىندىگى بولدى. ناتيجەسىندە الەكساندر ميتروۆيچ 53-مينۋتتا ەسەپتى ۇلعايتا ءتۇستى.
ويىننىڭ كامەرۋندىق قۇرامادان ۆەنسان ابۋباكار – 64، ەريك شۋپو-موتينگ 66-مينۋتىندا ەكى گول سوعىپ، تارازى باسى تاعى تەڭەستى. كەزدەسۋ 3:3 ەسەبىمەن تەڭ اياقتالدى.
ايتا كەتسەك، اتالعان توپتاعى برازيليا مەن شۆەيتساريا كەزدەسۋى ەلوردا ۋاقىتىمەن 22:00 دە «Qazaqstan» مەن «Qazsport» تەلەارنالارىنان تىكەلەي ەفيردە كورسەتىلەدى.
سونداي- اق H توبىندعى وڭتۇستىك كورەيا جانە گانا كەزدەسۋى 19:00-دە «Qazaqstan» جانە «Qazsport» تەلەارنالارىنان، پورتۋگاليا مەن ۋرۋگۆاي كەزدەسۋى 1.00-دە «Qazsport» تەلەارناسىنان تىكەلەي ەفيردە كورسەتىلەدى.