توقايەۆ سايلاۋدان كەيىنگى العاشقى ساپارىن رەسەيدەن باستاۋىنىڭ ماڭىزىن ءتۇسىندىردى
«اۋەلى پرەزيدەنت لاۋازىمىنا قايتا سايلانۋىممەن جەكە قۇتتىقتاۋىڭىز ءۇشىن ريزاشىلىعىمدى بىلدىرگىم كەلەدى. اتالعان وقيعادان كەيىنگى ەڭ ءبىرىنشى شەتەلدىك ساپارىم رەسەي فەدەراتسياسىنا جاسالىپ وتىر. ونىڭ ءوزىنىڭ تەرەڭ ساياسي ءمانى بار جانە بۇل ساپارىمدا بەلگىلى ءبىر سيمۆولدىق ءمان بار»، - دەدى پرەزيدەنت قازاقستان-رەسەي كەلىسسوزىندە.
مەملەكەت باسشىسى اتاپ وتكەندەي، ەكى اراداعى ديپلوماتيالىق قارىم-قاتىناستىڭ ورناعانىنا 30 جىل تولىپ وتىر.
«بيىل ءبىز ديپلوماتيالىق قارىم-قاتىناسىمىزدىڭ ورناعانىنا 30 جىل تولعانىن اتاپ وتتىك. بۇگىن وسىناۋ تاريحي داتاعا ارنالعان دەكلاراتسياعا قول قويامىز. قازاقستان ءۇشىن رەسەي فەدەراتسياسى نەگىزگى ستراتەگيالىق ارىپتەس بولعان جانە بولا دا بەرەدى. ءبىزدى ءتۇرلى سالاداعى تامىرى تەرەڭ ءوزارا قارىم-قاتىناس بايلانىستىرىپ جاتىر»، - دەدى قاسىم-جومارت توقايەۆ.
ايتا كەتەيىك، كەلىسسوز الدىندا مەملەكەت باسشىسى رەسەي ءوڭىرارالىق ىنتىماقتاستىق فورۋمىنىڭ XVIII جالپى وتىرىسىندا بەينەكونفەرەنتسيا فورماتىندا قاتىستى.