قازاقستان- رەسەي ترانزيتىندەگى ۋاقىتتىڭ جارتىسى شەكاراداعى پروتسەدۋرالارعا كەتەدى - جۇمانعارين
«كولىك ءدالىزىنىڭ تابىستى دامۋىنا ءبىرقاتار ينفراقۇرىلىمدىق جانە فيزيكالىق ەمەس سيپاتتاعى پروبلەمالار كەدەرگى كەلتىرىپ وتىر. بۇگىندە ساراپشىلار وسىنداي 40 تان استام كەدەرگىنى اتاپ ءجۇر. سالدارىنان ترانزيت ۋاقىتىنىڭ شامامەن 50 پايىزى شەكارانى كەسىپ وتۋگە - اكىمشىلىك پروتسەدۋرالارعا كەتىپ جاتىر. وسىلايشا اۆتوتاسىمال مەن تەمىرجول تاسىمالىنىڭ ۇزاقتىعىن ەكى ەسە ارتتىرۋدا»، - دەدى ۆيتسە-پرەمەر.
ايتۋىنشا، اتالعان ۇرىمتال تۇستاردى جويۋ ءۇشىن ءبىرىنشى كەزەكتە «جۇمساق» ينفراقۇرىلىمدى جولعا قويۋ كەرەك.
«جەكەلەپ ايتساق، شەكاراداعى جۇك اينالىمى پروتسەسىن سيفرلاندىرۋ، كەدەن پروتسەدۋرالارىن ۇندەستىرۋ، ۇيلەستىرىلگەن تاريف ساياساتىن ەنگىزۋ قاجەت. بۇل ءۇشىن ينفراقۇرىلىم شەكتەۋلەرى مەن اكىمشىلىك كەدەرگىلەردى الىپ تاستاۋعا، تاسىمالداۋشىلارعا قولايلى جاعداي جاساۋعا جانە ينفراقۇرىلىمدى دامىتاتىن ينۆەستيتسيا تارتۋعا ارنالعان بىرلەسكەن جول كارتاسىن قابىلداۋ ۇسىنىلادى»، - دەدى سەرىك جۇمانعارين.
ايتا كەتەيىك، اتالمىش شارانىڭ اشىلۋىنا مەملەكەت باسشىسى قاسىم-جومارت توقايەۆ رەسەي استاناسىنان بەينەكونفەرەنتسيا فورماتىندا قاتىستى.