قازاقستان مەن رەسەي اراسىندا ساۋدا-ساتتىق ارتىپ كەلەدى - مەملەكەت باسشىسى

None
استانا. قازاقپارات - قازاقستان مەن رەسەي اراسىندا ساۋدا-ساتتىق ارتىپ كەلەدى.

بۇل تۋرالى ەكى ەلدىڭ ءوڭىرارالىق ىنتىماقتاستىق فورۋمىنىڭ XVIII جالپى وتىرىسىنا قاتىسۋشىلارعا ۆيدەوكونفەرەنسيا رەجيمىندە ءسوز ارناعان مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«وتكەن جىلى قازاقستان مەن رەسەي اراسىندا تاۋار كولەمى جاڭا رەكوردتى مانگە جەتىپ، ءىس جۇزىندە 24,5 ميلليارد ا ق ش دوللارىن قۇرادى. وسى جىلدىڭ العاشقى ون ايىنىڭ قورىتىندىسىندا دا تاۋار اينالىمى 5 پايىزعا وسكەنىن كورسەتىپ وتىر»، - دەدى قاسىم-جومارت توقايەۆ.

قازاقستان پرەزيدەنتى رەسەيگە قازاقستاندىق ەكسپورت تۇرلەرىنىڭ دە ارتقانىن باسا ايتتى.

«وتكەن جىلمەن سالىستىرعاندا تاۋارلىق پوزيتسيا سانى 640 تان 1050 اتاۋعا دەيىن ارتتى. رەسەيلىك وڭىرلەرگە جەتكىزىلىم 2,5 ەسەگە جۋىق ۇلعايدى. بۇل - الماتىدان. ال مىسال رەتىندە ايتار بولساق، استانادان 5 ەسەگە ءوستى. شەكارا ماڭىنداعى ساۋدا دا ايتارلىقتاي جاندانا ءتۇستى. ايتالىق، اقتوبە وبلىسىنان رەسەيگە جەتكىزىلىم – 48، پاۆلودار وبلىسىنان 36 پايىزعا ارتتى»، - دەدى قاسىم-جومارت توقايەۆ.

سوڭعى جاڭالىقتار