شارف تاققان ادام جۇرەك اۋرۋىنا شالدىقپايدى. نەگە؟

استانا. قازاقپارات – قىستا كۇننىڭ سۋىعى ادام جۇرەگىنە كوپ سالماق تۇسىرەدى ەكەن. اعزانى جىلۋمەن قامتاماسىز ەتۋ ءۇشىن جۇرەك جىلدام جۇمىس ىستەپ، ارتەريالدى قان قىسىم كوتەرىلەدى. مۇنىڭ ءبارى جۇرەككە سالماق تۇسىرەرى انىق. اسىرەسە، قانىندا حولەستەرين كوپ، يشەميالىق جۇرەك اۋرۋلارىنا شالدىققانداردىڭ مازاسى قاشادى.

سۋىق كۇننىڭ قاۋپى مىنادا:

- جۇرەك اعزانى جىلىتامىن دەپ قاتتىراق جۇمىس ىستەيدى؛

- ارتەريالدى قان قىسىمى كوتەرىلەدى؛

- قان اينالىمىن كۇشەيتۋ ءۇشىن جۇرەككە تاعى كۇش تۇسەدى؛

- ادام دەنەسى توڭسا، سۋىقتان قان قويۋلانىپ، جۇرەك ول قاندى اينالدىرا الماي، ينسۋلت پەن جۇرەك تالماسى ۇستاۋى مۇمكىن.

اۋا تەمپەراتۋراسى تومەندەپ، ادام دەنەسى سۋىقتى سەزگەن ساتتە، ىشتەگى ىستىقتى ۇستاپ قالۋعا جالما-جان كىرىسەدى. ءبىراق جۇرەگى اۋىراتىن ادامداردا بۇل پروتسەسس باياۋ جۇرەدى.

«سۋىق اۋا ادام ىشىندەگى ىستىقتى الىپ قويادى. ونىڭ ورنىن تولتىرۋ ءۇشىن جۇرەك توتەنشە جۇمىس ىستەۋگە كىرىسەدى. سۋىقتان قان تامىرى توڭىپ تارىلىپ كەتەدى. بۇل دا قان اينالىمىن ناشارلاتادى»، - دەيدى ماماندار.

ال جۇرەككە قىسىم تۇسىرمەي، ادام دەنەسىندەگى تەمپەراتۋرانى دۇرىس ۇستاپ تۇرۋعا كومەكتەسەتىن قاراپايىم تاسىلدەر بار ەكەن. سونىڭ ءبىرى - شارف تاعىپ ءجۇرۋ.

شارفتى مويىنعا وراپ، اۋىز بەن مۇرىندى جاۋىپ جۇرگەن وتە پايدالى كورىنەدى. ويتكەنى ىشتەگى ىستىقتى شىعارمايدى ءارى سىرتتان سۋىق اۋا كىرگىزبەيدى. سۋىق اۋا كىرمەگەسىن ادام اعزاسى توڭا قويمايدى، جۇرەگى قالىپتى جۇمىس ىستەمەك. ەگەر شارف بولماسا، ونىڭ ورنىنا بەتپەردە تاعۋعا بولادى.

massaget.kz