الماتىلىق تۇرعىن «نازاربايەۆ مىنگەن» كولىگىن ساتىپ جاتىر

استانا. قازاقپارات – Kolesa.kz پورتالىندا 1993-جىلعى Mercedes-Benz S- Class ماركالى كولىگى ساتىلىمعا قويىلدى.

كولىك يەسىنىڭ سوزىنشە، بۇل نۇرسۇلتان نازاربايەۆتىڭ كولىگى ەكەن، - دەپ حابارلايدى Massaget.kz ءتىلشىسى.

پورتال مالىمەتىنشە، كولىك قۇنى - 30 ميلليون تەڭگە. سونىمەن قاتار، سەداننىڭ ءجۇرىسى 29 جىلدان اسا ۋاقىتتا 37930 شاقىرىم عانا بولعان.

حابارلاما اۆتورى ءارى كولىك يەسى بۇل كەزىندە نازاربايەۆ مىنگەن كولىك ەكەنىن، وعان دالەل رەتىندە 01 KZ مەملەكەتتىك ءنومىرى بار ەسكى سۋرەتتى كورسەتكەن.

«ق ر تۇڭعىش پرەزيدەنتىنىڭ كولىگى! 2008-جىلى ساۋدادا ساتىپ الىنعان. 600 SEL بروندالعان ارنايى سەرياسى. انتيكۆاريات»، - دەيدى جازبا اۆتور.

سۇر ءتۇستى بىلعارىدان جاسالعان سالوننىڭ ءبۇيىر تەرەزەلەرى پەردەمەن جابىلعان، الدىڭعى جانە ارتقى ورىندارىندا جىلىتۋ فۋنكسياسى بار. 408 اتتىڭ كۇشى بار.

ايتا كەتەيىك، بۇگىندە بۇل حابارلاما سايتتا ارحيۆتە ورنالاسقان.