بوكسشى كانەلو فۋتبولشى مەسسيگە سەس كورسەتتى
28 قاراشا, 22:11

بوكسشى كانەلو فۋتبولشى مەسسيگە سەس كورسەتتى

استانا. قازاقپارات – تانىمال مەكسيكالىق بوكسشى ساۋل «كانەلو» الۆارەس ارگەنتينا قۇراماسىنىڭ كوشباسشىسى ليونەل مەسسيدىڭ مەكسيكانى جەڭگەننەن كەيىن قارسىلاس كوماندا ويىنشىسىنىڭ فۋتبولكاسىمەن جەردى ءسۇرتىپ جاتقان ۆيدەوسىنا اشۋلاندى، - دەپ حابارلايدى Massaget.kz ءتىلشىسى.

مەسسي كيىم اۋىستىراتىن بولمەدە قۋانىشتان اياق استىنداعى زاتتاردى كورمەي قالعان دا بولۋى مۇمكىن. ءبىراق كانەلو مۇنى بايقاپ قالدى.

«مەسسي تۋىمىز بار فۋتبولكامەن ەدەن جۋىپ جاتقانىن كوردىڭىز بە؟ ول مەنىڭ قولىما تۇسپەس ءۇشىن قۇدايدان دۇعا ەتەمىن! مەن ارگەنتينانى قالاي قۇرمەتتەسەم، ءسىز دە مەكسيكانى قۇرمەتتەڭىز! مەن بۇل جاعدايدا ەل (ارگەنتينا) تۋرالى ەمەس، مەسسي تۋرالى ايتىپ وتىرمىن»، - دەپ جازدى الۆارەس Twitter- دە.

ەسكە سالايىق، بۇعان دەيىن ارگەنتينا قۇراماسى ءبىرىنشى تۋرداعى سەنساتسيالىق جەڭىلىسىنەن كەيىن مەكسيكا قۇراماسىمەن ويناپ، كاتارداعى الەم چەمپيوناتىندا العاشقى ءۇش ۇپايىن ەنشىلەگەن ەدى. C توبىنىڭ شەشۋشى ماتچتارى 30- قاراشادا وتەدى. ارگەنتينا پولشامەن، مەكسيكا ساۋد ارابياسىمەن كۇش سىناسادى.


جاڭالىقتار