قاڭتار وقيعاسى: جانسەيىت تۇيمەبايەۆتىڭ ۇلىنىڭ ءولىمى بويىنشا كۇدىكتى ۇستالدى

None
استانا. قازاقپارات – ق ر باس پروكۋراتۋراسى قاڭتار وقيعاسى كەزىندە الماتىداعى قازاق ۇلتتىق ۋنيۆەرسيتەتىنىڭ رەكتورى جانسەيىت تۇيمەبايەۆتىڭ ۇلىن ءولتىردى دەگەن كۇدىكپەن ەر ادام ۇستالعانىن ءمالىم ەتتى، دەپ حابارلايدى قازاقپارات ءتىلشىسى.

«ءال-فارابي اتىنداعى قاز ۇ ۋ رەكتورى جانسەيىت تۇيمەبايەۆتىڭ ۇلىنىڭ ولىمىنە كۇدىكتى ۇستالىپ، قاماۋدا وتىر»، - دەلىنگەن باس پروكۋراتۋرانىڭ حابارلاماسىندا.

ەسكە سالساق، ج. تۇيمەبايەۆتىڭ ۇلى بيىلعى قاڭتارداعى جاپپاي تارتىپسىزدىكتەر كەزىندە بەلگىسىز بىرەۋلەر قولىنان قازا تاپقانى تۋرالى حابارلانعان ەدى.

«6- قاڭتار كۇنى كەشكى ساعات 18.35 مينۋت شاماسىندا الماتىدا كوممەندانتتىق ساعات باستالماس بۇرىن، ەلنار ن. نازاربايەۆ كوشەسىمەن جوعارى كوتەرىلىپ، ۇيىنە قايتىپ كەلە جاتقان. ق. ساتبايەۆ كوشەسىنە جەتپەي، قيىلىستا توقتاپ تۇرعان ساتىندە كۇتپەگەن جەردەن كولىگىنە بەلگىسىز ادامدار بىرنەشە رەت وق اتقان. ول العان جاراقات سالدارىنان وقيعا ورنىندا كوز جۇمدى»، - دەپ حابارلاعان ەدى اتالعان وقۋ ورنىنىڭ باسپا ءسوز قىزمەتىنەن.

سوڭعى جاڭالىقتار