ەلىمىزدە تۇسىرىلگەن فيلمدەرگە ۇلتتىق مارتەبە بەرۋ تارتىپتەرى وزگەرەدى

استانا. قازاقپارات - «فيلمدى ۇلتتىق دەپ تانۋ جانە ۇلتتىق فيلم كۋالىگىن بەرۋ ەرەجەلەرىن بەكىتۋ تۋرالى» مادەنيەت جانە سپورت ءمينيسترىنىڭ بۇيرىعىنا وزگەرىس ەنگىزىلمەك، دەپ حابارلايدى قازاقپارات ءتىلشىسى.

ۇسىنىلىپ وتىرعان قۇجات «كينەماتوگرافيالىق قىزمەت سۋبەكتىلەرى»، «ءوتىنىش بەرۋشى» تەرميندەرىمەن تولىققان.

«ەگەر فيلمدە ق ر ۇلتتىق تاريحىنداعى، قازىرگى ومىرىندەگى وقيعالار بەينەلەيتىن بولسا، جالپى ادامزاتتىق گۋمانيتارلىق، الەۋمەتتىك جانە ادامگەرشىلىك پروبلەمالارعا، ەلىمىز ءۇشىن الەۋمەتتىك-مادەني ماڭىزى بار الەمدىك تاريحتاعى وقيعالارعا ارنالعان نەمەسە ق ر حالىقارالىق دەڭگەيدەگى ءيميدجى مەن بەدەلىن نىعايتۋعا ىقپال ەتسە ول كينو ۇلتتىق بولىپ تانىلادى»، - دەلىنگەن قۇجاتتا.

ايتا كەتەيىك، قولدانىستاعى ءتيىستى بۇيرىقتا مۇنداي نورما جوق. سونىمەن بىرگە، ەلىمىز راتيفيكاتسيالاعان حالىقارالىق شارت تالاپتارىنا سايكەس، شەتەلدىك كينوكومپانيالارمەن بىرلەسىپ تۇسىرىلگەن فيلمدەرگە دە ۇلتتىق مارتەبە بەرىلۋى مۇمكىن.

بۇيرىق «اشىق» ن ق ا پورتالىندا جاريالاندى. ونى تالقىلاۋ 9- جەلتوقسانعا دەيىن جالعاسادى.