شەرتپە كۇي فەستيۆالىنىڭ فينالى الماتىدا وتەدى
بۇل تۋرالى ورتالىق كوممۋنيكاتسيالار قىزمەتىندەگى بريفينگتە مادەنيەت جانە سپورت مينيسترلىگى مادەنيەت كوميتەتى ءتوراعاسىنىڭ ورىنباسارى دانيار اليەۆ ءمالىم ەتتى، دەپ حابارلايدى قازاقپارات ءتىلشىسى.
«16-23- قىركۇيەكتە 16-35 جاس ارالىعىنداعى كۇي سالاسىنىڭ بىلىكتى ماماندارى مەن جاستار قاتىسقان رەسپۋبليكالىق «شەرتپە كۇي» ءداستۇرلى مۋزىكا فەستيۆالى ءوز مەجەسىنە جەتەدى. اتاپ ايتقاندا، ول 3- جەلتوقساندا الماتى قالاسىندا قۇرمانعازى اتىنداعى وركەستردە قورىتىندىلانادى. باس جۇلدە - 1 ميلليون تەڭگە. ال، 1-ورىن - 750 مىڭ، 2-ورىن - 500 مىڭ، 3-ورىن - 300 مىڭ تەڭگە»، - دەدى دانيار اليەۆ.
سونىمەن قاتار، اتالعان فەستيۆالگە قاتىسۋشىلارعا ارنايى سىيلىقتار دا تابىستالادى.
كونكۋرستىڭ فينالىندا باق سىنايتىن 45 دومبىراشىنىڭ ونەرىنە جانعالي ءجۇزباي، سەكەن تۇرىسبەكوۆ، ءبىلال ىسقاقوۆ، مۇرات ابۋعازى جانە باتىرجان مىقتىبايەۆ سياقتى شەرتپە كۇيدىڭ مايتالماندارى قازىلىق ەتەدى.