ۇكىمەت پروبلەمالى ەنەرگەتيكا نىساندارىن مەملەكەت مەنشىگىنە قايتارۋ ماسەلەسىن پىسىقتاۋدا

بۇل ماسەلە 24-قاراشادا ەكونوميكانى دەمونوپوليزاتسيالاۋ جونىندەگى كوميسسيانىڭ وتىرىسىندا قارالدى، دەپ حابارلايدى primeminister.kz.

ەكىباستۇزداعى جاعدايعا قاتىستى. جەكسەنبى، 27-قاراشادا، جىلۋ جەلىلەرىندەگى جەلىلىك سۋدى كوپ تۇتىنۋعا بايلانىستى قالالىق ج ە و-دا قازاندىق اگرەگاتتارى توقتادى.

وقيعا سالدارىن جويۋ بويىنشا شۇعىل تۇردە شتاب قۇرىلدى، اپاتتىق-قالپىنا كەلتىرۋ جۇمىستارى باستالىپ، جەدەل جەلى اشىلدى.

28-قاراشا، ساعات 11:00-دەگى جاعداي بويىنشا ج ە و-دا 6 قازاندىق جۇمىس ىستەپ تۇر.

129 كوپقاباتتى جانە 114 جەكە ءۇيدى، 11 الەۋمەتتىك نىساندى جىلۋمەن جابدىقتاۋ قالپىنا كەلتىرىلدى.

پروبلەمالىق ەنەرگەتيكالىق نىسانداردىڭ قىزمەتى ماسەلەلەرى بويىنشا جۇمىس وسى جىلدىڭ ناۋرىز ايىندا قۇرىلعان ەكونوميكانى دەمونوپوليزاتسيالاۋ جونىندەگى كوميسسيا شەڭبەرىندە دە جالعاسادى.

جالپى، وسى ۋاقىت ىشىندە رەسپۋبليكا مەنشىگىنە تەلەكوممۋنيكاتسيا، تەمىرجول ينفراقۇرىلىمى (439 كىرمە ت/ج جولدارى) جانە ەكولوگيا سالالارىنداعى 10 ءىرى كومپانيانىڭ اكسيالار پاكەتى مەن قاتىسۋ ۇلەسى قايتارىلدى.

تاۋ-كەن ونەركاسىبى سالاسىنداعى 142 كىرمە ت/ج جولدارى مەن اكتيۆتەرى بار 28 كومپانيانىڭ قاتىسۋ ۇلەسى مەملەكەت مەنشىگىنە قايتارۋ ساتىسىندا.

تاعى 20 نىسان بويىنشا پىسىقتاۋ جۇمىستارى جۇرگىزىلۋدە، ونىڭ ىشىندە ءبىرقاتار ج ە و، مۇناي- گاز جانە ت/ج سەكتورلارىنىڭ وندىرىستىك وبەكتىلەرى، لوگيستيكالىق، ماشينا جاساۋ اكتيۆتەرى جانە ت. ب. بار.

فوتو: primeminister.kz