ەلوردادا جالعان مەدانىقتاما ساتىپ كەلگەن ەمحانا باسشىلارى ۇستالدى - ۆيدەو
كليەنتتەر كولىك قۇرالدارىن باسقارۋعا جۇرگىزۋشى كۋالىگىن الۋ ءۇشىن مەديتسينالىق انىقتاماعا تاپسىرىس بەرگەن.
ءىس-شارالار كەشەنى بارىسىندا استانا قالاسىنىڭ پوليتسەيلەرى الدىن الا ءسوز بايلاسۋ بويىنشا جالعان مەديتسينالىق انىقتامالاردى وتكىزۋ ارناسىن ۇيىمداستىرعان ج ش س-نىڭ ەكى باسشىسىن ۇستادى.
اقشالاي قاراجاتقا ولار مەديتسينالىق ۇيىمعا بارماي-اق ۋاقىتشا ەڭبەككە جارامسىزدىق پاراعىن، دەنساۋلىق پاسپورتىن، سانيتارلىق كىتاپشا، №086، 075 نىسانىنداعى انىقتامالاردى جانە وزگە دە مەديتسينالىق قۇجاتتاردى دايىنداعان.
جەدەل شارالار كەزىندە استانا قالاسى پ د كريمينالدىق پوليتسيا باسقارماسىنىڭ قىزمەتكەرلەرى تاۋەلسىزدىك داڭعىلى بويىنداعى مەديتسينالىق ورتالىقتىڭ 33 جاستاعى باسشىسىن ۇستادى.
ءتىنتۋ بارىسىندا قولما-قول اقشا، ەلتاڭبالىق مورلەر، مەديتسينالىق ءمورتاباندار، مەديتسينالىق انىقتامالاردىڭ ۇزبەلى تۇبىرتەك بايلامدارى، تىركەۋ جۋرنالدارى، مەديتسينالىق كىتاپشالار، تولتىرىلعان جانە ءمور قويىلعان ەڭبەككە جارامسىزدىق پاراقتارى تاركىلەندى.
سونداي-اق اۋەزوۆ كوشەسىندە ورنالاسقان مەديتسينالىق ورتالىقتىڭ تاعى ءبىر 33 جاستاعى باسشىسى ۇستالدى.
ءتىنتۋ بارىسىندا مەديتسينالىق كىتاپشالار، ەڭبەككە جارامسىزدىق پاراقتارى، مورلەر تاركىلەندى.
كليەنتتەردىڭ جۇمىسقا ورنالاسۋ، كولىك قۇرالدارىن باسقارۋ ءۇشىن جۇرگىزۋشى كۋالىگىن الۋ جانە تاعى باسقا قاجەتتى مەديتسينالىق انىقتاماعا تاپسىرىس بەرگەنى انىقتالدى.
اتالعان فاكتىلەر بويىنشا جالعان قۇجاتتاردى دايىنداعانى جانە وتكىزگەنى ءۇشىن ق ر ق ك-نىڭ 385-بابى بويىنشا قىلمىستىق ءىس قوزعالدى.
تەرگەۋ امالدارى جۇرگىزىلىپ جاتىر.