11:34, 28 - قاراشا 2022 | GMT +6
بەيجىڭدە كوروناۆيرۋس كارانتينىنە قارسى نارازىلىق شەرۋى ءوتتى
گونكونگ. تاسس- قازاقپارات - جەكسەنبى كۇنى كەمىندە بىرنەشە جۇزدەگەن ادام بەيجىڭنىڭ چاويان اۋدانىندا جاپپاي نارازىلىق شەرۋلەرىنە قاتىستى.
ولار بيلىكتەن ەلدەگى كوروناۆيرۋسقا قارسى شارالاردى جەڭىلدەتۋدى تالاپ ەتتى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.
ادامدار كەشكە قاراي ليانماحە وزەنىنىڭ جاعاسىنا جينالا باستادى. ولار قولدارىنا اق قاعاز ۇستاپ ءجۇردى.
بۇل قىتايدىڭ ءتۇرلى قالالارىندا ستۋدەنتتەردىڭ باعىنباۋ اكسيالارىنىڭ سيمۆولىنا اينالعان.
جينالعاندار ەل ۇكىمەتى جۇرگىزىپ جاتقان «COVID-19-عا نولدىك توزىمدىلىك» ساياساتىنا قارسى ۇراندار ايتۋدا.
شەرۋگە قاتىسۋشىلار مىندەتتى كارانتين مەن جاپپاي پ ت ر تەستىلەۋدى الىپ تاستاۋدى تالاپ ەتتى.
وقيعا ورنىنا جەتكەن پوليتسەيلەر نارازىلىق بىلدىرۋشىلەردىڭ جولىن جاۋىپ تاستادى.
فوتو: ت ا س س
اۆتور
اياۋلىم التىنبەك