پرەزيدەنتتىڭ ءىس باسقارۋشىسى تاعايىندالدى

استانا. قازاقپارات - ايبەك ارقاباي ۇلى دادەبايەۆ قازاقستان رەسپۋبليكاسى پرەزيدەنتىنىڭ ءىس باسقارۋشىسى لاۋازىمىنا تاعايىندالدى. ءتيىستى جارلىق اقوردانىڭ سايتىندا جاريالانعان، دەپ حابارلايدى قازاقپارات.

ايبەك دادەبايەۆ 1980 -جىلى 1-ساۋىردە الماتى قالاسىندا دۇنيەگە كەلگەن.

2001-2002 -جىلدارى قازاق مەملەكەتتىك حالىقارالىق قاتىناستار جانە الەم تىلدەرى ۋنيۆەرسيتەتىنىڭ حالىقارالىق تۋريزم مەنەدجمەنتى كافەدراسىندا وقىتۋشى بولىپ جۇمىس ىستەگەن.

2008-2011 -جىلدار ارالىعىندا قازاقستان رەسپۋبليكاسى پارلامەنتى سەناتى اپپاراتىنىڭ پارلامەنتارالىق بايلانىس جانە حالىقارالىق ىنتىماقتاستىق ءبولىمىنىڭ ساراپشىسى، سەنات ءتوراعاسىنىڭ كومەكشىسى مىندەتىن اتقارۋشى بولىپ ەڭبەك ەتكەن.

2011-2013 -جىلدار ارالىعىندا اتتاشە، جەنيەۆادا قازاقستان رەسپۋبليكاسىنىڭ ب ۇ ۇ- داعى تۇراقتى وكىلدىگىنىڭ ءۇشىنشى حاتشىسى بولعان.

ودان كەيىن التى جىل پارلامەنت سەناتى ءتوراعاسى حاتشىلىعى مەڭگەرۋشىسىنىڭ ورىنباسارى، مەڭگەرۋشىسى لاۋازىمدارىن اتقارعان.

2019-2021 -جىلدار ارالىعىندا پرەزيدەنت كەڭسەسى باستىعىنىڭ ورىنباسارى بولدى.

2021 -جىلعى 28-مامىردان باستاپ 2022 -جىلعى 11-قاڭتارعا دەيىن پرەزيدەنت ءىس باسقارۋشىسىنىڭ ورىنباسارى لاۋازىمىندا قىزمەت اتقاردى.

2022 -جىلعى 11-قاڭتاردا بەرى قازاقستان رەسپۋبليكاسى پرەزيدەنتىنىڭ ءىس باسقارۋشىسى لاۋازىمىندا ەڭبەك ەتتى.