مەملەكەتتىك كۇزەت قىزمەتىنىڭ باستىعى تاعايىندالدى

استانا. قازاقپارات - مەملەكەت باسشىسىنىڭ جارلىعىمەن ساكەن سايىن ۇلى يسابەكوۆ قازاقستان رەسپۋبليكاسى مەملەكەتتىك كۇزەت قىزمەتىنىڭ باستىعى لاۋازىمىنا تاعايىندالدى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

ايتا كەتەيىك، ساكەن يسابەكوۆ د. ا. قونايەۆ اتىنداعى ۋنيۆەرسيتەتتە «يۋريسپرۋدەنتسيا» ماماندىعى بويىنشا ءبىلىم العان.

2003 - 2021 -جىلدارى قازاقستان رەسپۋبليكاسى مەملەكەتتىك كۇزەت قىزمەتىندە ءارتۇرلى وفيتسەرلىك جانە باسشى لاۋازىمدارداعى قىزمەتتەردى اتقاردى.

2021-2022 -جىلدارى قازاقستان رەسپۋبليكاسى مەملەكەتتىك كۇزەت قىزمەتى باستىعىنىڭ ورىنباسارى - پرەزيدەنت كۇزەتى قىزمەتىنىڭ باستىعى بولدى.

2022 -جىلعى قاڭتاردا قازاقستان رەسپۋبليكاسى پرەزيدەنتىنىڭ جارلىعىمەن قازاقستان رەسپۋبليكاسى مەملەكەتتىك كۇزەت قىزمەتىنىڭ باستىعى بولىپ تاعايىندالدى.

Ⅱ دارەجەلى «ايبىن» وردەنىمەن جانە Ⅲ دارەجەلى «ءمىنسىز قىزمەتى ءۇشىن»، 1، 2، 3 -دارەجەلى «ەلباسىنىڭ قاۋىپسىزدىگىن ايبىندى اتقارعانى ءۇشىن» مەدالدارىمەن ماراپاتتالعان.

ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى تاعايىندالدى

اسەت ارمان ۇلى ەرعاليەۆ قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى لاۋازىمىنا تاعايىندالدى، دەپ حابارلايدى قازاقپارات.

«اسەت ارمان ۇلى ەرعاليەۆ قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى لاۋازىمىنا تاعايىندالسىن.

قازاقستان رەسپۋبليكاسىنىڭ پرەزيدەنتى ق. توقايەۆ

استانا، اقوردا، 2022 -جىلعى 28 قاراشا، № 18، - دەپ جازىلعان جارلىقتا.

فوتو: primeminister.kz