جاتتىقتىرۋشى فيتنەستىڭ قانداي پايداسى بارى تۋرالى ايتىپ بەردى
- يگور، جاتتىقتىرۋشى رەتىندە فيتنەس پەن ونىڭ پايداسى تۋرالى ايتساڭىز.
- فيتنەس دەگەنىمىز - ادام دەنەسىن سىمباتتى قالپىندا ساقتاۋعا مۇمكىندىك بەرەتىن فيزيكالىق بەلسەندىلىكتىڭ ءبىر ءتۇرى. فيتنەس جاتتىعۋلار - ادام يممۋنيتەتىن نىعايتىپ، جۇرەك- تامىر جۇيەسى اۋرۋلارىن، قانت ديابەتىن الدىن- الۋعا سەپتىگىن تيگىزەدى. سونداي- اق، ول قالپىنا كەلتىرۋ پروتسەستەرىن بەلسەندەندىرىپ، اعزانىڭ قارتايۋىن باياۋلاتادى.
- فيتنەسكە جاڭادان كەلگەندەر قالاي جاتتىعۋ جاساۋ كەرەك؟
- فيتنەسكە جاڭادان كەلگەندەر اعزاسىنا شامادان تىس جۇكتەمە تۇسىرمەۋ كەرەك. ولار كەم دەگەندە العاشقى ەكى ايدا جاتتىقتىرۋشىمەن جاتتىعۋ جاساۋ كەرەك. سەبەبى، جاتتىقتىرۋشى ولاردى جاراقات الماۋ ءۇشىن باعىت- باعدارلار كورسەتەدى. الامدار فيتنەس زالعا دەنساۋلىعىن قۇرتۋ ءۇشىن ەمەس، كۇتۋ ءۇشىن كەلەدى عوي.
- فيتنەسپەن ەرلەر عانا ەمەس، ايەلدەر مەن بالالاردىڭ دا اينالىساتىنىن بىلەمىز. ولار ءۇشىن فيتنەستىڭ قانداي پايداسى بار؟
- فيتنەسكە كەلگەن ادام قاجەتتى ناتيجەگە قول جەتكىزۋ ءۇشىن كەيبىر فيزيولوگيالىق ەرەكشەلىكتەردى ەسكەرۋى ءتيىس. بۇل رەتتە فيتنەستىڭ ەرلەر ءۇشىن رەلەف پەن كۇشكە قاجەتتى بۇلشىقەت ماسساسىن جيناۋعا، ايەلدەرگە دەنەسىن تىكتەپ، سىمباتتى بولۋىنا، ال بالالارعا سالاۋاتتى ءومىر سالتىن ۇستانۋعا پايداسى زور.
- فيتنەسپەن اينالىساتىن ادام قالاي تاماقتانۋ كەرەك؟
- فيتنەسپەن جاتتىعاتىن ادام دۇرىس، بالانسپەن تاماقتانۋى كەرەك. ول ءۇشىن تاعامنىڭ قۇرامىندا تالشىق، اقۋىز، ماي، كومىرسۋ بولۋ كەرەك. كومىرسۋ - ادامعا كۇنى بويى كۇش- قۋات بەرۋ ءۇشىن قاجەت. اقۋىز - جاقسى ءال- اۋقات پەن بۇلشىقەت ماسساسىن قالپىنا كەلتىرۋگە قاجەت. تالشىق - اسقازانعا سالماق سالماۋ ءۇشىن، ياعني، اقۋىزدى قورىتۋ ءۇشىن كەرەك. ءبىراق، مەن ادامدارعا اقۋىزدى پروتەينگە اۋىستىرۋعا كەڭەس بەرەمىن. سەبەبى، اعزا ءۇشىن اقۋىز وتە اۋىر بولادى. ەگەر اسقازان- ىشەك جولدارىنا شامادان تىس جۇك تۇسسە، گاستريتكە اكەلۋى مۇمكىن. سوندىقتان اقۋىزدىڭ كوپ بولىگىن پروتەينگە اۋىستىرۋعا كەڭەس بەرەمىن.
- كىمدەرگە فيتنەسپەن اينالىسۋ قاجەت ەمەس؟
- ورتالىق جۇيكە جۇيەسى، تىرەك- قيمىل اپپاراتى اۋىراتىن، قاتەرلى ىسىگى بار ادامدارعا فيتنەسپەن اينالىسپاۋ كەرەك.
- فيتنەستە جاقسى جەتىستىككە قالاي قول جەتكىزۋگە بولادى؟
- فيتنەستە قاجىرلى ەڭبەكپەن عانا جاقسى ناتيجەگە قول جەتكىزە الاسىز. ياعني، ادام وزىنە انىق ماقسات قويىپ، وعان قارسى ەرىنبەي ءجۇرۋى كەرەك. وسىلاي عانا فيتنەستە جاقسى ناتيجەگە قول جەتكىزە الاسىز.
- فيتنەستە ادامدار نەگىزىنەن قانداي سپورتتىق قۇرالدارمەن جاتتىعادى؟
- فيتنەسكە جاڭا كەلگەن ادامدار كوبىنەسە گانتەل، شتانگا، گىرلەرمەن جۇمىس ىستەيدى. بۇرىننان كەلىپ جۇرگەندەر ارنايى ترەناجەرلارمەن دە جاتتىعادى.
- الماتىدا كوبىنەسە فيتنەسپەن قاي جاستاعى، قانداي ادامدار اينالىسادى دەپ ويلايسىز؟
- مەنىڭشە الماتىدا كوبىنەسە 13-45 جاس اراسىنداعى ەرلەر مەن جاسوسپىرىمدەر فيتنەسپەن كوپ اينالىسادى. جالپى، ادامداردىڭ سپورتپەن شۇعىلدانعانى دۇرىس قوي. بۇل ءبىزدىڭ دەنساۋلىعىمىز بەن دەنى ساۋ ۇلت بولۋىمىز ءۇشىن اسا ماڭىزدى دۇنيە دەپ ويلايمىن.
- سۇحباتىڭىزعا راحمەت.
اۆتور
دۋمان ارعىنگەلدى