وزبەكستاندا جول قوزعالىسى ەرەجەسىن بۇزاتىندارعا بالدىق جۇيەمەن شارا قولدانىلماق

None
استانا. UZA- قازاقپارات - وزبەكستاندا 1- جەلتوقساننان باستاپ جول قوزعالىسى ەرەجەلەرىن بۇزعان جۇرگىزۋشىلەرگە شارا قولدانۋ باعىتىندا ايىپ- بال جۇيەسى ەنگىزىلەدى، دەپ حابارلايدى قازاقپارات UZA اگەنتتىگىنە سىلتەمە جاساپ.

اتالعان جۇيە ەل پرەزيدەنتىنىڭ بيىلعى 4 -ساۋىردە جاريالانعان «ادام قاۋىپسىزدىگىن سەنىمدى قامتاماسىز ەتۋ جانە اۆتوموبيل جولدارىنداعى ءولىم- ءجىتىمدى كۇرت قىسقارتۋ شارالارى تۋرالى» قاۋلىسىنا سايكەس ەنگىزىلگەلى وتىر.

اتاپ ايتقاندا، 12 اي بويى جول قوزعالىسى ەرەجەسىن بۇزعان سايىن جۇرگىزۋشىگە ايىپ- بال بەرىلەدى. ماسەلەن، مىناداي تاسىلمەن: جىلدامدىقتى اسىرسا - 1 بال، باعدارشامنىڭ قىزىل تۇسىنە ءوتىپ كەتسە - 3 بال. ەگەر سالىنعان ايىپ- بال سانى 12 دەن اسىپ كەتسە، جۇرگىزۋشى بەلگىلى ءبىر ۋاقىتقا كولىك قۇرالىن جۇرگىزۋ قۇقىعىنان ايىرىلادى.

ال، بەلگىلەنگەن مەرزىمدە جول قوزعالىسى ەرەجەلەرىن بۇزباعان جۇرگىزۋشىلەر ايىپ- بالدارىن قىسقارتۋ ارقىلى كوتەرمەلەنەدى.

اۆتور

گۇلنۇر عازيز قىزى

سوڭعى جاڭالىقتار