فۋتبولدان الەم چەمپيوناتىندا برازيليا جەڭىستى جولىن جالعاستىرا ما
28 قاراشا, 09:20

فۋتبولدان الەم چەمپيوناتىندا برازيليا جەڭىستى جولىن جالعاستىرا ما

استانا. قازاقپارات - قاتاردا ءوتىپ جاتقان فۋتبولدان 2022 -جىلعى الەم چەمپيوناتىندا 28-قاراشادا G توبىندا ەكىنشى تۋر ويىندارى وتەدى، دەپ حابارلايدى قازاقپارات ءتىلشىسى.

بۇل توپتاعى كامەرۋن جانە سەربيا كەزدەسۋى ەلوردا ۋاقىتىمەن 16:00-دە «Qazsport» تەلەارناسىنان تىكەلەي ەفيردە كورسەتىلەدى.

كەزدەسۋ ەل-ۆاكرا قالاسىنداعى 44325 جانكۇيەرگە ارنالعان «ەل- دجانۋب» ستاديونىندا وتكىزىلەدى.

كەزدەسۋدە بىرىككەن اراب امىرلىگىنەن كەلگەن موحاممەد ابدۋللا حاسان موحاممەد باس تورەشى قىزمەتىن اتقارادى.

وعان وتانداستارى موحامەد احمەد يۋسۋف ال-حاممادي مەن حاسسان موحاممەد حاسسان اب سۋكاتاري ال-ماحري كومەكشىلىك جاسايدى. قوسالقى تورەشى - ما نين.

2010 -جىلى وتكەن جولداستىق كەزدەسۋدە سەربيا اتالعان قارسىلاسىنان 4:3 ەسەبىمەن باسىم ءتۇستى. ازىرگە ەكى قۇراما اراسىندا بۇدان باسقا ويىن بولعان ەمەس.

اتالعان توپتاعى برازيليا مەن شۆەيتساريا كەزدەسۋى ەلوردا ۋاقىتىمەن 22:00 دە «Qazaqstan» مەن «Qazsport» تەلەارنالارىنان تىكەلەي ەفيردە كورسەتىلەدى.

كەزدەسۋ ەل استاناسى دوحا قالاسىنداعى 44089 جانكۇيەرگە ارنالعان «ستەديۋم 974» ستاديونىندا وتكىزىلەدى.

كەزدەسۋدە باس تورەشى - سالۆادورلىق يۆان بارتون. وعان وتانداسى داۆيد موران سانتوس پەن سۋرينامدىق زاحاري زەگەلار كومەكشىلىك جاسايدى. قوسالقى تورەشى - سايد مارتينەس.

2013 -جىلى وتكەن جولداستىق كەزدەسۋدە برازيليالىق فۋتبولشىلار 1:0 ەسەبىمەن باسىم تۇسسە، 2018 -جىلى الەم چەمپيوناتى فينالدىق ساتىسىنىڭ توپتىق كەزەڭىندە قۇرامالار 1:1 ەسەبىنە قاناعات ءبىلدىردى.

ەسكە سالساق، 27-قاراشادا ە توبىندا جاپونيا كوستا-ريكاعا 0:1 ەسەبىمەن جول بەردى.

ال F توبىندا بەلگيا قۇراماسى ماروككوعا 0:2، كانادا قۇراماسى حورۆاتياعا 1:4 ەسەبىمەن جەڭىلىپ قالدى.

جاڭالىقتار