پرەزيدەنت ۇكىمەت باسشىسىنا ەنەرگەتيكالىق اكتيۆتەردى مەملەكەتكە قايتارۋدى تاپسىردى
پرەزيدەنتتىڭ باسپا ءسوز حاتشىسى رۋسلان جەلدىباي:
«مەملەكەت باسشىسى پرەمەر- مينيستر ءاليحان سمايلوۆقا ەلىمىزدىڭ قالالارىنداعى پروبلەما ءجيى تۋىندايتىن ەنەرگەتيكالىق اكتيۆتەردى مەملەكەت مەنشىگىنە قايتارۋ ماسەلەسىن قاراستىرۋدى تاپسىردى. سەبەبى اتالمىش اكتيۆتەردى ساپاسىز باسقارۋ سالدارىنان جىلۋ ەلەكتر ستانسالارى اپاتقا ءجيى ۇشىراپ، تۇتىنۋشىلاردى ەلەكتر قۋاتىمەن ۇزدىكسىز قامتاماسىز ەتە الماي وتىر.
ەكىباستۇزدا ورتالىق جىلۋ بەرۋدىڭ توقتاپ قالۋىنان حاباردار بولعان پرەزيدەنت قالا تۇرعىندارىنىڭ جاعدايىنا الاڭداۋشىلىق ءبىلدىردى. تۇرعىندارعا ءتيىستى كومەك بەرىلەدى. مەملەكەت باسشىسىنىڭ پىكىرىنشە، ازاماتتاردىڭ تۇرمىس- تىرشىلىگىنە قيىندىق تۋدىرۋعا جانە ولاردىڭ قۇقىن اياقاستى ەتۋگە جول بەرۋگە بولمايدى.
مەملەكەت باسشىسى ۇكىمەتكە جانە وبلىس اكىمدىگىنە تاياۋ كۇندەرى ەكىباستۇزداعى جاعدايدى قالىپقا كەلتىرۋ، قالاداعى اۋىر احۋالعا جول بەرگەن ادامداردى جاۋاپقا تارتۋ جونىندە تاپسىرما بەردى»، - دەلىنگەن حابارلامادا.
وسىعان دەيىن ەكىباستۇز ج ە و- سىندا اپات بولىپ، قالا تۇرعىندارى جىلۋسىز قالعانىن جازعان ەدىك.
كەيىنىرەك جىلۋ قازاندىعىنىڭ ىستەن شىعۋىنا بايلانىستى وبلىس اكىمى باستاعان جەدەل شتاب قۇرىلدى.
ەكىباستۇز قالاسىنىڭ وقۋشىلارى ونلاين وقيتىنى حابارلاندى.
فوتو: pavlodarnews.kz